Սովորական ապակին կարող է «կանաչ» էներգիա արտադրել

Քանի որ աշխարհում մաքուր, վերականգնվող էներգիայի կարիքը մեծանում է, գիտնականները զարգացնում են արևային էներգիա արտադրելու առաջադեմ տեխնոլոգիաներ, որոնցից մեկը լյումինեսցենտ արևային խտացուցիչն է: Այս մասին գրել է Advanced Science News պորտալը, գրում է focus.ua-ն։

Լյումինեսցենտային արևային համակենտրոնացումն արևային էներգիայի փոխակերպման սարք է, որը համարվում է ավանդական արևային մարտկոցների խոստումնալից այլընտրանք: Այդ տեխնոլոգիան կարող է ինտեգրվել գոյություն ունեցող այնպիսի ենթակառուցվածքներին, ինչպիսիք են պատուհանները և շենքերի ճակատները:

Ըստ Ուտրեխտի Կոպեռնիկոսի անվան Կայուն զարգացման համալսարանի  պրոֆեսոր Վիլֆրիդ վան Սարկի, այդ սարքերը սովորաբար բաղկացած են բարակ, թափանցիկ նյութից, որը հայտնի է որպես ալիքատար, և որի մեջ ներկառուցված են լյումինոֆորներ՝ հատուկ մոլեկուլներ կամ նանոմասնիկներ, որոնք կլանում են արևի լույսը և նորից արտանետում այն ​​ավելի երկար ալիքներով: «Ալիքի երկարության այս տեղաշարժը թույլ է տալիս նորից արտանետվող լույսին ընդհանուր ներքին արտացոլում կոչվող գործընթացի միջոցով սահմանափակված մնալ ալիքատարի մեջ: Լույսն այդ կերպ ուղղվում է դեպի ծայրերը, որտեղ արևային մարտկոցներն այն վերածում են էլեկտրականության», - բացատրել է պրոֆեսորը:

Որպես թափանցիկ «արևային պատուհաններ» գործելու համար լյումինոֆորները պետք է հասնեն նուրբ հավասարակշռության՝ նվազագույնի հասցնելով տեսանելի լույսի կլանումը, միաժամանակ արդյունավետորեն գրավեն ուլտրամանուշակագույն և ինֆրակարմիր ալիքները: Դա պահպանում է սարքերի թափանցիկությունը՝ դրանք լավ պիտանի դարձնելով որպես ապակե կառույցվածք, օրինակ երկնաքերերին ինտեգրելու համար:

Գտնելու համար մոլեկուլներ, որոնք լավագույնս են կլանում  էներգիան և գործում են որպես լյումինոֆոր, Վիլֆրիդ վան Սարկը և նրա գործընկեր Թոմաս դե Բրյունը օգտագործել են մոդելավորման առաջադեմ տեխնիկա ուսումնասիրելու, թե ինչպես է լույսը փոխազդում ալիքատարի ներսում: Հետազոտողները փորձարկել են 92 հայտնի լյումինոֆորների տարբեր կոնցենտրացիաներ համակցված թափանցիկ ալիքատար նյութի հետ, որը կոչվում է պոլիմեթիլ մետակրիլատ, որպեսզի գտնեն արևի լույսը էլեկտրականության փոխակերպելու ամենաարդյունավետ տարբերակը: Բացի այդ, հետազոտողներն ուսումնասիրել են բազմաշերտ ալիքատարների տարբեր համակցություններ տարբեր լյումինոֆորներով պարզելու համար, թե արդյո՞ք նման դիզայնը կարող է հանգեցնել ընդհանուր արդյունավետության բարելավմանը:

«Լյումինոֆորների ներկայիս ընտրությամբ, հաշվի առնելով դրանց կլանման սպեկտրը և քվանտային արդյունավետությունը, և հաշվի առնելով բարձր թափանցիկության սահմանափակումը, արևային էներգիայի վերափոխման առավելագույն արդյունավետությունը հնարավոր է մոտ 1 %-ի սահմաններում՝ սովորական արևային մարտկոցների ավելի քան 20 %-ի համեմատ», - նշել է Վիլֆրիդ վան Սարկը:

Չնայած լյումինեսցենտային արևային խտացուցիչների համեմատաբար ցածր արդյունավետությանը համեմատած ավանդական արևային վահանակների հետ, դրանք համարվում են հեռանկարային տեխնոլոգիա առևտրային կիրառությունների համար: Գիտնականները նաև կարծում են, որ ապագայում այդ տեխնոլոգիայի արդյունավետությունը կարող է աճել մինչև մոտ 10 %-ի: «Չնայած արդյունավետությունը կարող է ավելի ցածր լինել, քան ստանդարտ արևային մարտկոցները, բայց բարձրահարկ շենքերում հասանելի հսկայական տարածքն արդարացնում է դրանց օգտագործումը, ինչպես նաև դա իրենից ներկայացնում է էներգաարդյունավետ շենքերի զարգացման ապագա ԵՄ պահանջներին համապատասխան», - եզրափակել է Վիլֆրիդ Վան Սարկը:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]