Ավելի քան 51 մլն դոլար. աճուրդում վաճառվել է աշխարհի ամենաթանկ մրցարշավային մեքենան (լուսանկարներ)

Փետրվարի 1-ին Շտուտգարտում տեղի է ունեցել աճուրդ, որը կազմակերպել են RM Sotheby's աճուրդի տունը, Ինդիանապոլիսի Motor Speedway թանգարանը և Mercedes-Benz թանգարանը։ Վաճառվել է 1954 թվականի եզակի մրցարշավային Mercedes-Benz W 196 R Stromlinienwagen ավտոմեքենան: Անանուն գնորդը դրա համար վճարել է 51,155 մլն եվրո։ Այս մասին գրում է autopilot.ru-ն՝ նկատելով, որ սա աշխարհի ամենաթանկ մրցարշավային մեքենան է:

1954 թվականին արտադրված մեքենան կարելի է լեգենդար համարել։ Անգամ այն ​​ժամանակ այն առաջացրել էր իր ժամանակակիցների հիացմունքը թե՛  տեխնիկական կատարելության, թե՛ կատարյալ արտաքինի առումով։

Մրցարշավային կարիերան ավարտելուց հետո այն ժամանակվա Daimler-Benz AG ընկերությունը 00009/54 համարանիշով W 196 R-ը նվիրել է Ինդիանապոլիսի Motor Speedway թանգարանին, որտեղ այն պահվում էր այս ամբողջ ընթացքում։ Սակայն ամերիկյան թանգարանը որոշել է ազատվել «գանձից», որպեսզի գումար հավաքի հավաքածուի մնացած մոդելների վերականգնման և պահպանման համար։