Սալիվանը բացատրել է, թե ինչու էր ԱՄՆ-ը երկար ժամանակ խուսափում Ուկրաինային ATACMS հրթիռներ մատակարարել
ԱՄՆ նախկին նախագահ Ջո Բայդենի վարչակազմը երկար ժամանակ Ուկրաինային հեռահար ATACMS հրթիռներ չի մատակարարել ոչ թե համաշխարհային պատերազմի սկսման վախի, այլ դրանց պակասի պատճառով։ Այս մասին Հարվարդում կայացած ֆորումի ժամանակ հայտարարել է Բայդենի՝ ազգային անվտանգության նախկին խորհրդական Ջեյք Սալիվանը։
Նա նշել է, որ երբեք Ուկրաինա համապատասխան հրթիռների փոխանցումը կապ չի ունեցել երրորդ համաշխարհային պատերազմի սկսման վախի հետ։
«Մենք ի սկզբանե դրանք չտրամադրեցինք, քանի որ պաշտպանության նախարարը և ԱՄՆ զինվորականները նախագահին խորհուրդ տվեցին, որ Միացյալ Նահանգների զինանոցը բավարար քանակությամբ հրթիռներ չունի՝ բավարարելու զսպման մեր հիմնական կարիքները: Նրանք հիմնականում ասում էին. «Մենք խորհուրդ չենք տալիս դրանք հանձնել այլ երկրի», - նշել է Սալիվանը:
Մատակարարումները սկսվել են միայն այն բանից հետո, երբ ԱՄՆ արդյունաբերությունը բավական քանակությամբ հրթիռներ է արտադրել Ուկրաինայի զինված ուժերին առաքելու համար, պարզաբանել է քաղաքական գործիչը։
Ավելի վաղ Associated Press-ը գրել էր, որ Ուկրաինայի զինված ուժերն այլևս չունեն ամերիկյան ATACMS հեռահար մարտավարական հրթիռներ։ Գործակալության աղբյուրների համաձայն՝ Ուկրաինայում այլևս չկա ոչ մի ATACMS հրթիռ։ Վաշինգտոնը 40-ից պակաս քանակությամբ այդ հրթիռներից մատակարարել է Կիևին, և դրանց պաշարները վերջացել են հունվարի վերջին:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...