Սահմանադրական փոփոխությունը ՀՀ ներքին հարցն է, եթե Բաքուն մտահոգություններ ունի իր տարածքային ամբողջականության հետ կապված, պետք է ստորագրի պայմանագիրը. Միրզոյան
Սահմանադրական փոփոխությունների մասին մենք մեկ անգամ չէ, որ ասել ենք, որ սա բացառապես ՀՀ ներքին օրակարգն է: Այս մասին ԵՄ բարձր ներկայացուցիչ Կայա Կալասի հետ համատեղ ասուլիսին հայտարարեց ԱԳ նախարար Արարատ Միրզոյանը՝ անդրադառնալով ադրբեջանական կողմի պահանջին՝ փոխել ՀՀ Սահմանադրությունը:
Միրզոյանը նշեց, որ ՀՀ իշխանությունները սահմանադրական փոփոխությունների անհրաժեշտության մասին խոսել են դեռ 2018 թվականից: «Ըստ ամենայնի, հաջորդ ընտրություններից հետո արդեն ձեռնամուխ կլինենք այդ փոփոխություններին: Այն ասպեկտով, որ ադրբեջանական կողմն է դնում հարցը, ես պետք է ասեմ հետևյալը՝ եթե Ադրբեջանի մտահոգությունները անկեղծ են, և նրանք անկեղծորեն տեսնում են խնդիրներ իրենց տարածքային ամբողջականության հետ կապված մեր Սահմանադրության մեջ, ապա այս մտահոգությունները փարատելու ամենաուղիղ ձևը խաղաղության պայմանագրի ստորագրելն է»,- նշեց ՀՀ ԱԳ նախարարը:
Միրզոյանը դա պարզաբանեց հետևյալ կերպ. «Մենք ունենք պայմանագիր, որտեղ գրված է, որ ճանաչում ենք միմյանց տարածքային ամբողջականությունը, համաձայն այն սահմանների, որը մեր երկու երկրների միջև գոյություն է ունեցել Խորհրդային Միության փլուզման պահին։ Հիմա այս ձևակերպումը ստորագրելուց հետո պայմանագիրը պետք է գնա Սահմանադրական դատարան: Վավերացման ընթացքում, եթե մեր Սահմանադրական դատարանն ասում է, որ սահմանների վերաբերյալ այս ձևակերպումը չի հակասում մեր Սահմանադրությանը, հարցը լուծված է»:
Միևնույն ժամանակ Միրզոյանը նշեց, որ մեր Սահմանադրությունը չի պարունակում որևէ բան Ադրբեջանի տարածքային ամբողջականության դեմ:
«Հետևաբար, կրկին, մենք կարծում ենք, որ սա որևէ կերպ չպետք է լինի նախապայման խաղաղությունը վերջնականացնելու, պայմանագիրը ստորագրելու համար: Շփումները նաև այս ամեն ինչը միմյանց բացատրելու համար են: Այդ շփումները պարտադիր են և շարունակվելու են նաև առաջիկայում, և ես հույս ունեմ, որ ի վերջո այդ շփումները, այդ բանակցությունները կհանգեցնեն և պայմանագրի ստորագրմանը, և մնացած մյուս հարցերի լուծմանը»,- ասաց նա:
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ