Ադրբեջանի տնտեսական աճը դանդաղում է, Հայաստանն ու Վրաստանն առաջընթաց են գրանցում. ՀՔՆԱԿ
Ադրբեջանի տնտեսական մեկուսացումը նրանց հետ չար կատակ կխաղա։ 2026 թվականին Ադրբեջանի ՀՆԱ-ի աճի տեմպը զգալիորեն կզիջի Վրաստանին և Հայաստանին: Նման եզրահանգում են արել Հասարակական և քաղաքացիական նախաձեռնությունների աջակցության կենտրոնի (CPSI) վերլուծական զեկույցի հեղինակները։
Հայաստան
Ցուցադրում է ավելի լավատեսական տնտեսական հեռանկարներ՝ Ադրբեջանի համեմատ։ Եվրասիական զարգացման բանկը (ԵԶԲ) կանխատեսում է, որ Հայաստանի ՀՆԱ-ի աճը 2026 թվականին կհասնի 5,3%-ի։ ՄԱԿ-ը փոքր-ինչ նվազ լավատես է՝ 2026 թվականի համար կանխատեսելով 4,7% աճ ։
Դա պայմանավորված է ներքին պահանջարկի կայուն ընդլայնմամբ՝ պետական ծախսերի, վարկավորման և արտասահմանից դրամական փոխանցումների աճի պայմաններում։ Հայաստանի տնտեսական աճին նպաստում են նաև բիզնեսի տեղափոխումը և Ռուսաստանից որակյալ մասնագետների ներհոսքը, ինչպես նաև տեղեկատվական տեխնոլոգիաների և զբոսաշրջության ոլորտների զարգացումը։ Հայաստանը Ադրբեջանի պես կախված չէ նավթի վաճառքի տատանումներից։
Ադրբեջան
2026 թվականի բյուջեի նախագծում Ադրբեջանի ֆինանսների նախարարությունը կանխատեսում է ՀՆԱ-ի չնչին աճ՝ 2,9%, որը ցածր է այս տարվա կանխատեսված 3,0%-ից: Դանդաղումը պայմանավորված է նավթի արդյունահանման կրճատմամբ, համաշխարհային պահանջարկի թուլացմամբ և նավթի գների անկմամբ:
2025 թվականի բյուջեն ենթադրում է նավթի մեկ բարելի համար 65 դոլար գին, որը ցածր է այս տարվա համար կանխատեսված 70 դոլարից: Նավթի և գազի ոլորտը կկազմի բյուջեի եկամուտների գրեթե 43%-ը:
Հասարակական և քաղաքացիական նախաձեռնությունների աջակցության կենտրոնի (CSPIG) վերլուծաբանները նշում են, որ Ադրբեջանի կառավարությունը պետք է ակտիվացնի տնտեսությունը դիվերսիֆիկացնելու և ոչ նավթային ու գազային ոլորտի զարգացումը խթանելու ջանքերը: Հակառակ դեպքում, համաշխարհային նավթի գների աննշան տատանումները սպառնում են խաթարել ՀՆԱ-ի արդեն իսկ թույլ աճը:
Վրաստան
&P Global Ratings միջազգային վարկանիշային գործակալությունը բարելավել է Վրաստանի տնտեսական աճի իր կանխատեսումը 2026 թվականին՝ այն դարձնելով 5,2%: Միևևնույն ժամանակ Համաշխարհային բանկը կանխատեսում է, որ 2026 թվականին Վրաստանի տնտեսությունը կաճի 5%-ով։
2022-2023 թվականներին Ռուսաստանից տեղափոխման հետևանքով ստեղծված աճի ներուժը, որը հանգեցրել է սպառման, ներդրումների և անշարժ գույքի պահանջարկի աճի, աստիճանաբար սպառվում է։ Վրաստանի տնտեսական աճը ներկայում ապահովվում է զբոսաշրջության և տրանսպորտի ոլորտների զարգացմամբ։ Ռուսաստան վերաարտահանումը մնում է շարժիչ ուժ։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Ոչ միայն քաղաքական է, այլև աշխարհաքաղաքական. «Փաստ»
Ծանր վիճակ՝ վտանգավոր միտումներով. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել