Թուրքիայի ամենախոշոր ռազմական ավիավթարները
Թուրքիայի ռազմական ավիացիայի պատմության ընթացքում մի շարք խոշոր վթարներ են տեղի ունեցել։ Առաջին խոշոր դեպքերից մեկը գրանցվել է 1959 թ. Էսքիշեհիրում, երբ ուսումնական թռիչքի ժամանակ Թուրքիայի ռազմաօդային ուժերին պատկանող «C-47 Dakota» տիպի ինքնաթիռը կործանվել էր․ վթարի արդյունքում զոհվել էր 21 զինծառայող։
Երկու տարի անց, 1961 թ. Անկարայից օդ բարձրացած «C-47 Dakota» ինքնաթիռը կարճ ժամանակ անց ընկել և պայթել էր։ Դեպքի հետևանքով մահացել էր 25 օդային անձնակազմի անդամ, ինչը դարձավ այդ շրջանի ամենածանր կորուստներից մեկը։
1963 թ., կրկին Անկարայում, ռազմական ավիացիայի ուսանողներ տեղափոխող մեկ այլ «C-47 Dakota» ուսումնական ինքնաթիռ ընկել էր Այաշի ճանապարհի մոտ։ Թռիչքի պահին ինքնաթիռը հրդեհվել էր, ինչի հետևանքով 22 ապագա զինվորական օդաչու զոհվել էին։
1968 թ. Քոնիայի երկնքում, առաջադրանք իրականացնող «F-84F Thunderstreak» մարտական ինքնաթիռների խումբը թռիչքի ժամանակ բախվել էին միմյանց։ Ճակատագրական այս վթարը հանգեցրել էր 9 փորձառու օդաչուի մահվան և մնացել է որպես թուրքական մարտական ավիացիայի ամենածանր կորուստներից մեկը։
Թուրքական զինուժի պատմության ամենամեծ աղետներից մեկը գրանցվել է 1981 թ. Սպարտայում, երբ անձնակազմ և զինվորականներ տեղափոխող «C-130 Hercules» մեծ բեռնատար ինքնաթիռը խիտ մառախուղի պատճառով ընկել էր Էղրդիր լիճը։ Մոտ 10 օր տևած որոնումներից հետո պարզվեց, որ ինքնաթիռում գտնվող 30 զինծառայողներից ոչ մեկը չէր փրկվել։
Ամենածանր վթարներից մեկը տեղի է ունեցել 1993 թ. Բինգյոլում, երբ Սիլոպիից Անկարա մեկնող «C-130» ինքնաթիռը բախվել էր լեռանը։ Դեպքը դարձել է թուրքական ռազմաօդային ուժերի պատմության ամենակորստաբեր վթարներից մեկը՝ խլելով 37 զինծառայողի կյանք։
2001 թ. Աֆյոնքարահիսարի Աքդաղ շրջանում կրկին «C-130 Hercules» ինքնաթիռը կործանվել էր թույլ տեսանելիության և եղանակային բարդ պայմանների պատճառով։ Ուղևորների թվում էին թուրքական բանակի անձնակազմի անդամներ, և այս վթարի հետևանքով կյանքից զրկվել էր 34 զինվորական։
Վերջին տարիներին արձանագրված դեպքերը համեմատաբար փոքրաթիվ զոհերով են։ 2018 թ. Էսքիշեհիրում «T-38 Talon» ուսումնական ինքնաթիռը վթարի էր ենթարկվել, որի արդյունքում 2 օդաչու էր զոհվել։
2021 թ. Քոնիայում, «Թուրքական աստղեր» ցուցադրողական խմբի «NF-5» ինքնաթիռը վթարվել էր ուսումնական թռիչքի ժամանակ։
Տասնամյակների ընթացքում Թուրքիայի ռազմական ավիացիայում արձանագրվել է ավելի քան 10 խոշոր վթար։ Վերլուծությունները ցույց են տալիս, որ ամենաշատ մահվան ելքով դեպքերը գրանցվել են հենց «C-130 Hercules» բեռնատար ինքնաթիռների հետ կատարված վթարներում։ Վատ եղանակային պայմանները, տեխնիկական խնդիրները և մարդկային սխալները մատնանշվում են որպես այդ վթարների հիմնական պատճառներ։
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Հանրապետության հրապարակում ռոբոտ շներ ցուցադրվեցին
Բաքվում մեկնարկել է Արցախի ռազմաքաղաքական նախկին ղեկավարների գործով վերաքննիչ բողոքի քննությունը
Երևանում և մարզերում լույս չի լինի. հասցեներ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Նեթանյահուն աշխարհի մուսուլմաններից շուտով կստանա իրեն հասանելիք դասը․ Էրդողան
Հայաստանի գործող իշխանությունը Ռուսաստանը հայտարարեց թշնամի երկիր․ քաղաքագետ
Երկու տանկեր իրանական երթուղով անցել է Հորմուզի նեղուցը և ուղևորվել դեպի Չինաստան և Պակիստան
ՀՀ ՊՆ նախկին շենքի մոտ բախվել է 3 ավտոմեքենա․ խցանումը հասնում էր մինչև Արագածոտնի մարզ
Տարադրամի փոխարժեքները մայիսի 23-ին