Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժառանգությունը. այսօր Քաջարանի օրն է. ԶՊՄԿ

Ջերմորեն շնորհավորում ենք Քաջարանի օրվա առթիվ։

Քաջարանը ԶՊՄԿ-ի համար պարզապես քաղաք չէ։ Այն մեր ընդհանուր պատմության, աշխատանքի ու ձեռքբերումների անբաժան մասն է։ Տասնամյակներ շարունակ քաղաքի և ընկերության ճանապարհները միահյուսված են, և մեկը դժվար է պատկերացնել առանց մյուսի։

 Մենք մեծ հարգանքով ենք վերաբերվում քաջարանցիների աշխատասիրությանը, արժանապատվությանն ու համայնքային ոգուն, որոնց շնորհիվ Քաջարանը պահպանում է իր ինքնությունն ու ավանդույթները՝ միաժամանակ վստահորեն շարժվելով առաջ։

Այսօր Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժառանգությունը։ Այդ առաջընթացը քաջարանցիների տասնամյակների աշխատանքի, նվիրումի և հայրենի քաղաքի հանդեպ սիրո արդյունքն է։

Մենք հպարտ ենք լինել Քաջարանի կողքին և մեր ներդրումն ունենալ նրա շարունակական զարգացման ու բարեկեցության գործում։

Քաջարանի ապագան այսօր վստահված է երիտասարդներին։ Հավատում ենք, որ նրանք կշարունակեն իրենց պապերի ու հայրերի ստեղծածը՝ նոր գաղափարներով ու նոր ուժով Քաջարանը դարձնելով ավելի ժամանակակից, հարմարավետ ու բարեկեցիկ քաղաք։

Թող Քաջարանը միշտ լինի աշխատանքի, արժանապատվության, համերաշխության և ապագայի հանդեպ վստահության քաղաք։

Շնորհավոր Քաջարանի օրը։