Էկոպարեկները Տավուշում ապօրինի ծառահատում են բացահայտել
Սույն թվականի սեպտեմբերի 10-ին Շրջակա միջավայրի նախարարության Էկոպարեկային ծառայության Տավուշի մարզային վարչության Բերդի տեղամասի ծառայողները, հսկողական և կանխարգելիչ միջոցառումներ իրականացնելիս, անտառային տարածքում նկատել են «ԶԻԼ» մակնիշի ավտոմեքենա։ Այս մասին հայտնում են Էկոպարեկային ծառայությունից։
«Ծառայողների կողմից ձեռնարկվել են համապատասխան գործողություններ՝ դրոնի միջոցով շարունակաբար հետևելով ավտոմեքենայի տեղաշարժին։ Ընթացքում արձանագրվել է, որ վարորդը, նկատելով էկոպարեկային ծառայողների ներկայությունը, սկսել է բեռնաթափել ավտոմեքենայում առկա փայտանյութը։
Միաժամանակ ծառայողների կողմից իրականացվել են անհրաժեշտ գործողություններ՝ փայտանյութի գտնվելու վայրը և դեպքի հետ կապված հանգամանքները ֆիքսելու նպատակով։
Էկոպարեկային ծառայողների կողմից իրականացված հսկողական, կանխարգելիչ և բացատրական աշխատանքների արդյունքում ենթադրյալ իրավախախտը փայտանյութը կրկին բեռնել է ավտոմեքենան և տեղափոխել Էկոպարեկային ծառայության Տավուշի մարզային վարչության Բերդի տեղամաս։
Հայտնաբերված փայտանյութի ծավալը, նախնական տվյալներով, կազմել է շուրջ 3 խմ։
Ներկայում իրականացվում են անհրաժեշտ միջոցառումներ՝ դեպքի հանգամանքները պարզելու, հայտնաբերված փայտանյութի ծագումը ճշտելու և պատճառված վնասի չափը հաշվարկելու ուղղությամբ։
Էկոպարեկային ծառայությունը շարունակելու է հետևողական հսկողական և կանխարգելիչ միջոցառումներ իրականացնել պետական անտառների պահպանության, ապօրինի ծառահատումների, ինչպես նաև փայտանյութի ապօրինի շրջանառության դեպքերի կանխման և հայտնաբերման ուղղությամբ»,- նշված է հաղորդագրությունումը։
Հետևեք մեզ՝ այստեղ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Գարշահոտ ու հակասանիտարական վիճակ՝ Մալաթիայում
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ