Մի շարք շրջաններում օդի ջերմաստիճանը կմոտենա պատմական առավելագույնններին

«Հիդրոօդերևութաբանության և մոնիթորինգի կենտրոն» ՊՈԱԿ-ից հայտնում են, որ սեպտեմբերի ողջ 2-րդ տասնօրյակի ընթացքում Հայաստանը գտնվել է արևադարձային տաք օդային հոսանքների ազդեցության գոտում, ինչի արդյունքում օդի ջերմաստիճանը նորմայից բարձր է եղել 2-3 աստիճանով։

Հարավից ներթափանցող արևադարձային տաք օդային հոսանքերի ազդեցությունը կպահպանվի նաև սեպտեմբերի 3-րդ տասնօրյակում և իր առավելագույնին կհասնի 23-24-ը ընկած ժամանակահատվածում։

Այդ օրերին հանրապետության ողջ տարածքում օդի ջերմաստիճանը կբարձրանա 4-5 աստիճանով և սեպտեմբերի 24-ին Երևանում, Արարատյան դաշտում և Սյունիքի հովիտներում ցերեկային ժամերին կգրանցվի +33․․․+34 աստիճան տաքություն, որը սեպտեմբերի այդ օրերի համար բավականին բարձր ջերմաստիճան է։

Մի շարք շրջաններում օդի ջերմաստիճանը կմոտենա պատմական առավելագույնններին կամ կգերազանցի այն։ Սեպտեմբերի 25-26-ին օդի ջերմաստիճանը կնվազի 2-4 աստիճանով, սակայն կշարունակի մնալ նորմայից բարձր։

Սեպտեմբերի 23-27-ին Հայաստանում հիմնականում կգերակշռի առանց տեղումների եղանակ, բացառությամբ Շիրակի, Լոռի և Տավուշի, որտեղ 22-ին, 25-27-ին երեկոյան ժամերին առանձին հատվածներում կդիտվեն ամպրոպային բնույթի կարճատև անձրևներ։

Հետևեք մեզ՝ այստեղ