IDBank-ը՝ Սպանդարյանի ջրանցքի վերակառուցման աջակից. ստորագրվեց ծրագրին նվիրված հուշատախտակը
Սպանդարյանի ջրանցքի վերակառուցման ծրագրի շրջանակում IDBank-ի Վարչության նախագահ Մհեր Աբրահամյանն իր ստորագրությունն է թողել ապագա քանդակի համար նախատեսված հուշատախտակին։
«Հայաստան» համահայկական հիմնադրամի ծրագիրն իրականացվում է 2025 թվականի «Հայրենիք հավերժություն» դրամահավաքի շրջանակում՝ Հայաստանից և Սփյուռքից ստացված աջակցությամբ։ Համայնքների զարգացմանն ուղղված իր սոցիալական պատասխանատվության ծրագրերի շրջանակում IDBank-ը նախագծին հատկացրել է 10 մլն դրամ՝ նպաստելով դրա իրականացմանը։
Ծրագրի նպատակն է վերականգնել Սիսիան համայնքի 6 գյուղերի գյուղատնտեսական հողատարածքների ոռոգման հնարավորությունը։ Աշխատանքների ավարտից հետո ոռոգման հասանելիություն կունենա շուրջ 2,800 հեկտար հողատարածք, իսկ ծրագրի անմիջական շահառու կդառնա 730 ընտանիք։
IDBank-ի Վարչության նախագահ Մհեր Աբրահամյանն ընդգծեց ծրագրի կարևորությունը համայնքների երկարաժամկետ զարգացման տեսանկյունից։
«Մեզ համար չափազանց կարևոր է աջակցել այնպիսի նախագծերի, որոնք ունեն ռազմավարական նշանակություն մեր երկրի և համայնքների զարգացման համար։ Սպանդարյանի ջրանցքի վերակառուցումը կարևոր ներդրում է գյուղական համայնքների երկարաժամկետ զարգացման գործում։ Համոզված ենք, որ նման նախաձեռնություններն ամրապնդում են համայնքների զարգացման հիմքերը և նպաստում դրանց կայուն ապագայի ձևավորմանը»,-նշել է Մհեր Աբրահամյանը։
«Սպանդարյանի ջրանցքի վերակառուցումը 730 ընտանիքի համար հողը մշակելու և գյուղատնտեսությունից կայուն եկամուտ ստանալու նոր հնարավորություն է։ Այս ծրագրի շուրջ Հայաստանից և Սփյուռքից համախմբված աջակցությունը ցույց է տալիս, թե ինչ կարող ենք իրականացնել համատեղ ջանքերով։ Շնորհակալ ենք IDBank-ին՝ այս կարևոր նախաձեռնությանը միանալու և համայնքների զարգացման գործում գործնական ներդրում ունենալու համար»,– նշել է «Հայաստան» համահայկական հիմնադրամի գործադիր տնօրեն Արամայիս Ավետիսյանը։
Հանդիպման ընթացքում քննարկվել են նաև կողմերի միջև հետագա համագործակցության հնարավոր ուղղություններն ու սոցիալ-տնտեսական նոր նախագծերին աջակցելու հեռանկարները։
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
25/22 Երկուսով են քվեախցիկում
Կախվածություն սահմանափակ թվով ընկերություններից. ի՞նչ նկարագիր ունի Հայաստանի տնտեսությունը. «Փաստ»
...
Ովքե՞ր են իրականում «հրահրում», և ինչո՞ւ չեն տրվում կոնկրետ անուններ. «Փաստ»
Փաշինյանի վարած սխալ քաղաքականությունից տուժում ենք մենք՝ հասարակ քաղաքացիներս. Ավետիք Չալաբյան
Ո՞րն է «Ուժեղ Հայաստան» կուսակցության ներկայացուցիչ Գոհար Ղումաշյանի կյանքի կարգախոսը
Ահազանգ․ Տիգրանաշենի խաղահրապարակի վերակահավորման համար «Ուժեղ Հայաստանին» դատի տալու սպառնալիք են հ...
Վայրի բնությունը՝ օբյեկտիվի միջով․ Բերտա Մարտիրոսյանը՝ Mining Armenia Forum 2026-ի բեմում
Իշխանական օրակարգի սպառումն ու Սամվել Կարապետյանի քայլը. ո՞րն է լինելու քաղաքական հանգուցալուծումը. ...
Ժողովուրդն այս ներկայացմանը չի՛ հավատում․ Հայաստանը պետք է ուժեղ լինի. Գնա՛ և քվեարկի՛ր. Անդրանիկ Գ...
ՔՊ-ն քաղաքացիներին զրկում է քվեարկելու իրավունքից. Մենուա Սողոմոնյան