Գլխավոր Լրահոս Վիդեո Կիսվել
Էլ ո՞նց ասեն, որ հասկանանք... «Փաստ» «Գործող կառավարությունը խամաճիկ է տարբեր ուժային կենտրոնների ձեռքում». «Փաստ» «Քաղաքական գործիքակազմի առումով իշխանությունը չունի բավական կենսունակություն ընդդիմության հետ մրցակցության տեսանկյունից, ուստի դիմում է ռեպրեսիվ մեխանիզմներին». «Փաստ» Հայաստանի տարեցների սոցիալական գոյապայքարը՝ սպառողական զամբյուղի անհասանելիության պայմաններում. «Փաստ» Եվրոպական օրակարգի «ներքին ընդդիմադիրը». ի՞նչ են ցույց տալիս ԱԽ նախկին քարտուղարի հայտարարությունները. «Փաստ» Երևանի «հավասարակշռված» դիվանագիտության գինը. վերադարձ դեպի Մոսկվա՞. «Փաստ» Ինչո՞ւ համընկան Ալիևի «բացումն» ու Սամվել Կարապետյանի կալանավորումը. «Փաստ» Անձեռնմխելիության պատրանքը. ի՞նչ դասեր է տալիս դատավոր Մասիս Մելքոնյանի շուրջ ծավալվող գործընթացը. «Փաստ» Բանանի «դիվանագիտությունը» և «պրիմիտիվ» քաղաքականության վիրուսային բանաձևը. «Փաստ» Ադրբեջանը Հայաստանի Սահմանադրությունից Անկախության հռչակագիրը վերացնելով` հող է նախապատրաստելու կեղծ «Արևմտյան Ադրբեջանի» համար. Արամ Վարդևանյան Աչք փակելով Լեռնային Ղարաբաղում էթնիկ զտումների վրա՝ աշխարհը դատավճիռ ստորագրեց ՄԱԿ-ի վրա. Շարմազանով Ամեն մի որոշման, քայլի, գործողության հետևում կոնկրետ մարդիկ են՝ իրենց պատասխանատվությամբ. «Փաստ»
Հայաստանի եվրոպական ուղին՝ խոստումների և պարտավորությունների միջևՄոսկվա-Երևան տոմսերը կտրուկ թանկացել են․ ի՞նչ արժեն այս պահինՄելիքբեկյանը կողմ է, որ ՖԻՖԱ-ն գլխավորի Դիալլոն․ «Լավ ճանաչում եմ, ունի անհրաժեշտ որակները»ՔՊ-ն մահաբեր իշխանություն է․ Արսեն Գևորգյանն այս իշխանության զոհն է․ մենք շարունակելու ենք պայքարել, մինչև նրա նկատմամբ արդարությունը վերականգնվի. Ուժեղ ՀայաստանՆոյեմբերյանի և Բերդի ճանապարհներին մառախուղ է․ տեսանելիությունը՝ մինչև 50 մետրՄենուա Սողոմոնյանի յուրահատուկ շնորհավորանքը Խաչիկ ԳալստյանինՆոյեմբերի 18-ին, 19-ին և 20-ին ավելի քան 40 ժամ ջուր չի լինելուՄինչև 2026 թ.-ի դեկտեմբերի 31-ը. 3 ժամկետ, որոնք բաց թողնելու դեպքում կարող եք գումար կամ իրավունք կորցնելԻնչպե՞ս է իշխանությունը համարձակվում հրաժարվել Հայաստանի ծննդյան վկայականից՝ երկիրը թողնելով Ադրբեջանի տարածքային հավակնությունների առաջ անպաշտպանԱնձնակազմը զոհվել է․ Ան-12 ինքնաթիռ է կործանվել․ ՌԴ Նախկինում ընդդիմադիր Փաշինյանն այսօր կամաչեր վարչապետ Փաշինյանից. Մարիաննա ՂահրամանյանԴուք կտրված եք ժողովրդից․ հունիսի 7-ին ժողովուրդն իր խոսքը հստակ ասել է․ մենք թույլ չենք տա ալիևյան սահմանադրության ընդունումը․ Շիրազ ՄանուկյանՄհեր Ավետիսյանը՝ ուսանողներին․ «Ուժը ծնվում է գիտելիքից ու խելքից, դուք եք ծնելու այդ ուժը՝ հանուն Հայաստանի»«Մի՞թե Նիկոլին հաջողվել է սպանել նաև միտքը»․ Հայաստանում ներքաղաքական գործընթացներ չկան․ Արտակ ԶաքարյանՎարդան Ջհանյանը՝ հանքարդյունաբերության ոլորտի զարգացման և նոր միասնական ստանդարտների ներդրման մասինՓաշինյանն իր իսկ քննադատության թիրախում. Մարիաննա ՂահրամանյանԱյս մարդիկ ամեն օր խախտում են մեջբերածս ու մի շարք այլ օրենքներ. Աննա ԿոստանյանԸնտրություններում Փաշինյանին ձայն տված մարդկանց զգալի մասն այդ քայլն արել է վախից դրդված. Ավետիք ՉալաբյանՍահմանադրությունը չի փոխվելու. տեսանյութԲիզնեսին կառաջարկվեն էլեկտրական բեռնատարներ

Եվրոպական օրակարգի «ներքին ընդդիմադիրը». ի՞նչ են ցույց տալիս ԱԽ նախկին քարտուղարի հայտարարությունները. «Փաստ»

«Փաստ» օրաթերթը գրում է.

 Հայկական քաղաքական մտքի պատմության մեջ գրանցվել է նոր, աննախադեպ հայտնագործություն՝ «հետին թվով հերոսական դիմադրություն»։ Ըստ Անվտանգության խորհրդի նախկին քարտուղար Արմեն Գրիգորյանի ներկայացրած վարկածի, պարզվում է՝ Եվրամիությանն անդամակցելու օրակարգի վտանգների մասին նա զգուշացրել է Նիկոլ Փաշինյանին և կառավարության մյուս անդամներին դեռ այն ժամանակ, երբ ինքը նստած էր այդ նույն սեղանի շուրջ։

Պատկերացնո՞ւմ եք այդ պատմական, Շեքսպիրի գրչին արժանի տեսարանը։ Կառավարության փակ նիստ է։ Բոլորը ոգևորված քննարկում են եվրոպական ինտեգրումը, իսկ անկյունում նստած ԱԽ քարտուղարը լուռ, գրեթե աննկատ, բայց ներքուստ խոր համոզվածությամբ շշնջում է. «Մի՛ գնացեք այս ճանապարհով, վտանգավոր է»։ Այնքան լուռ է շշնջացել, որ տարիներ շարունակ հանրությանը թվում էր, թե հենց ինքն է այդ ուղղության գլխավոր ճարտարապետներից մեկը։

Միջազգային ամենատարբեր հարթակներում, բրյուսելյան և վաշինգտոնյան հանդիպումներում նա ոգևորված խոսում էր եվրոպական կուրսի և Արևմուտքի հետ մերձեցման անայլընտրանք լինելու մասին, բայց արի ու տես, որ այդ ամբողջ ընթացքում ներքուստ տառապել է, դիմադրել է, պայքարել է։ Պարզապես այդ պայքարն այնքան խոր գաղտնիության պայմաններում է ընթացել, որ նույնիսկ իր իսկ բերանից դուրս եկող եվրոպամետ հայտարարությունները չեն կռահել, թե ինչ է կատարվում իր հոգու խորքում։

Սա ճիշտ նման է այն խոհարարին, որը տարիներ շարունակ ռեստորանի խոհանոցում անձամբ է պատրաստում ամենակծու ուտեստը, ժպտալով մատուցում է հաճախորդներին, գովում է համեմունքները, բայց երբ իրեն ազատում են աշխատանքից, դուրս է գալիս փողոց ու բարձրախոսով հայտարարում. «Ժողովո՛ւրդ, ես հենց խոհանոցում էլ շեֆ-խոհարարին ասում էի, որ էսքան պղպեղը ստամոքսի խոց է առաջացնելու, ուղղակի ինձ չլսեցին, ստիպված ես էլ էի լցնում»։

 Իհարկե, քաղաքական իրականության մեջ նման բացահայտումները տարբեր արձագանքներ են առաջացնում։ Իշխանական թևի ներկայացուցիչներն ու քաղաքական ընդդիմախոսները հարց են բարձրացնում, որ եթե այդ քաղաքականությունն իսկապես այդքան վտանգավոր էր պետության համար, ինչո՞ւ ԱԽ քարտուղարը պաշտոնավարման ժամանակ չհրաժարվեց դրանից՝ հրապարակային հրաժարական տալով, այլ սպասեց պաշտոնանկությանը՝ իր սկզբունքայնությունը ցուցադրելու համար։

Ամեն դեպքում, այս պատմությունը մեզ սովորեցնում է մի կարևոր դաս՝ երբեք մի՛ հավատացեք պաշտոնյայի արած գործերին և ասած խոսքերին, քանի դեռ նա պաշտոնի է։ Իրական ճշմարտությունը, պարզվում է, ծնվում է միայն այն պահին, երբ աշխատասենյակի բանալին հանձնվում է պահակին, իսկ տեսախցիկները միանում են արդեն «նախկինի» կարգավիճակում։

Մանրամասները՝ «Փաստ» օրաթերթի այսօրվա համարում