Մենք բոլոր ռիսկերից քաջատեղյակ ենք ու վախենալու որեւէ բան չունենք. Ավինյանը՝ Ամուլսարի մասին
Որեւէ տնտեսվարողի դեմ կամ որեւէ տնտեսվարողի նկատմամբ ՀՀ կառավարությունը խտրական վերաբերմունք չունի։ Այս մասին այսօր՝ մարտի 27-ին, լրագրողների հետ զրույցում ասաց փոխվարչապետ Տիգրան Ավինյանը՝ պատասխանելով «Լիդիան Արմենիա» ընկերության մասին հարցին։
«Ես կարծում եմ, որ մենք արդեն մայիսին որոշակի հարցերի պատասխաններ կունենանք, որովհետեւ տեղյակ եք, որ հիդրոերկրաբանական հետազոտություն է իրականացվում Ամուլսարում, որը մեզ որոշակի պատասխաններ կտա եւ այն կասկածները, որոնք բարձրաձայնվում էին որոշ փորձագետների կողմից, կստանան իրենց արձագանքը»,–նշեց նա։
Տիգրան Ավինյանը հավաստիացրեց՝ բոլոր ռիսկերը գնահատված են. «Եթե տեսնենք, որ կան ինչ–որ ռիսկեր, որոնք վերահսկելի չեն, կառավարությունը համապատասխան որոշումներ կկայացնի»։
Նրա խոսքով՝ եթե հետազոտության արդյունքները լինեն ի օգուտ «Լիդիան Արմենիայի», դատարան դիմելու անհրաժեշտություն այլեւս չի լինի. «Եթե արդյունքը չհամապատասխանի շրջակա միջավայրի վրա ազդեցության գնահատման նրանց տված փաստաթղթին, ինձ թվում է՝ իմաստ չի լինի դիմել արբիտրաժային դատարան»։
Դիտարկմանը, թե ընկերության կողմից արբիտրաժային դատարան դիմելը սպառնալիք էր կառավարությանը, Ավինյանն ասաց. «Մենք որեւէ սպառնալիքից չենք վախենում, շատ կարեւոր է, որ մենք ինքներս հասկանալու ենք, թե ինչպիսին է իրավիճակը»։
Հարցին՝ հաշվարկվե՞լ է, թե ինչ վնասներ կհասցվի ՀՀ-ին, եթե ընկերությունը դիմի դատարան եւ շահի դատը, փոխվարչապետը պատասխանեց. «Մենք բոլոր ռիսկերից քաջատեղյակ ենք ու վախենալու որեւէ բան չունենք»։
Հիշեցնենք, որ «Լիդիան Արմենիան» պատրաստվում է արբիտրաժային դատարան ընդդեմ Հայաստանի հայց ներկայացնել։
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Փաշինյանը դատական մաֆիան հանել է իմ դեմ. Էդմոն Մարուքյան
Նավթի դարաշրջանը ավարտվում է. Նարեկ Կարապետյան
Ակնհայտ է Զվարթնոց օդանավակայանի ուղևորահոսքի աճի դինամիկան, ինչը ենթադրում է, որ եթե աճի այս տեմպե...
Նավթի դարաշրջանն ավարտվում է, Ադրբեջանի դարաշրջանն ավարտվում է․ Նարեկ Կարապետյան
Հայ-իրանական դարավոր բարեկամությունը շատ ավելի ամուր է, քան ցանկացած սուտ մատնություն. Իվետա Տոնոյան
«Հայ վիրտոզներ» կրթական ծրագրի մասնակիցները` եվրոպական հեղինակավոր բեմերում
Պուտինը համոզված է, որ Արևմուտքին չի հաջողվի իր գործողություններով պառակտել ռուս հասարակությունը
«Ժամանակն է լռեցնելու քաղաքական ամբիցիաները և չխարխլելու պետականության հիմքերը»․ Ամստերդամ
Բաքվի բանտերից հղվող հայերի ուղերձները տարբեր են, սակայն դրանցում կարմիր թելով անցնում է հայկական պե...