Լուկաշենկոն եկել է, տեսել, աշխատանքից հանել. Դուք ի՞նչ է, հիվա՞նդ եք: Սա, ախր, Օսվենցիմ է
Ալեքսանդր Լուկաշենկոն այցելել է «Ակմոդոր-Շկլով» ԲԲԸ «Սլիժի» կաթնամթերքի համալիր, որը մտնում է «Կուպալովսկոյե» ագրոհոլդինգի կառուցվածքի մեջ: Զեկույցներից հետո նա որոշել է անձամբ ծանոթանալ խոշոր եղջերավոր անասունների պահման պայմաններին եւ արտադրական հաստատությունների վիճակին: Զննման արդյունքում իրենց պաշտոններից զրկվել են Մոգիլեւի նահանգապետ Վլադիմիր Դոմանեւսկին, Շկլովսկի շրջգործկոմի նախագահ Վասիլի Վիտյունովը եւ նախագահի՝ Մոգիլեւի մարզի հարցերով օգնական Գենադի Լավրենկովը: Շշպռելու տեսանյութը ցուցադրվել է ՕՆՏ-ի եթերում, փոխանցում է Tut.by-ը:
«Ո՛չ, այս կովը շունչը փչելուն մոտ է, տեսնում ես, չէ՞, ինչպես է շարժվում: Ինչո՞ւ եք ինձ այստեղ բերել: Որ հիմա անվտանգության ծառայությանը հանձնարարեմ ձեզ ձեռնաշղթանե՞ր հագցնել, եւ Կոչանովային (նախագահի աշխատակազմի ղեկավարն է) ձեր հետեւից այնտե՞ղ: Անֆիմովին (Պետական վերահսկողության կոմիտեի նախագահ Լեոնիդ Անֆիմով) նվազագույնը աշխատանքից կհեռացնեմ: Եթե մարդը չի հասկանում, որ սա Օսվենցիմ է: Նա կարծում է, որ սա նորմա՞լ է: Դուք ի՞նչ է, հիվա՞նդ եք: Սա, ախր, Օսվենցիմ է: Եթե նրանք հիվանդ են, այստեղ մաքուր եւ չոր պետք է լինի: Նրանք, ախր, մեկը մյուսի վրա են կեղտոտում, մեկը մյուսի վրա են կանգնած: Այստեղ պետք է մարդ լինի եւ մշտապես մաքրի: Դու, հըլը, նայի այս անասունին: Նրա մորթու մեջ ամեն ինչ խրված է»,- խստորեն մեկնաբանել է Լուկաշենկոն:
Նա այնուհետեւ դիմել է նախագահի աշխատակազմի ղեկավար Նատալյա Կոչանովային:
«Նատալյա Իվանովնա, վաղը հրամաններ պատրաստեք այս երկուսի մասին (ցույց տալով նաեւ Գյուղարտադրանքի նախարար Լեոնիդ Զայցին) եւ երրորդը՝ նահանգապետի մասին, իսկ Լավրենկովի վերաբերյալ (Մոգիլեւի մարզի հարցերով նախագահի օգնական Գենադի Լավրենկով) որոշում ընդունեք»,- հանձնարարել է Լուկաշենկոն:
Նա նաեւ Կոչանովայից պահանջել է պատրաստել այն պաշտոնյաների ցուցակը, որոնք պետք է պատասխանատու լինեին «Կուպալովսկու» վիճակի համար: «Բոլորին դանակի տակ դնել, մինչեւ վերջ բոլորին»,- նշել է Լուկաշենկոն:
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Փաշինյանը դատական մաֆիան հանել է իմ դեմ. Էդմոն Մարուքյան
Նավթի դարաշրջանը ավարտվում է. Նարեկ Կարապետյան
Ակնհայտ է Զվարթնոց օդանավակայանի ուղևորահոսքի աճի դինամիկան, ինչը ենթադրում է, որ եթե աճի այս տեմպե...
Նավթի դարաշրջանն ավարտվում է, Ադրբեջանի դարաշրջանն ավարտվում է․ Նարեկ Կարապետյան
Հայ-իրանական դարավոր բարեկամությունը շատ ավելի ամուր է, քան ցանկացած սուտ մատնություն. Իվետա Տոնոյան
«Հայ վիրտոզներ» կրթական ծրագրի մասնակիցները` եվրոպական հեղինակավոր բեմերում
Պուտինը համոզված է, որ Արևմուտքին չի հաջողվի իր գործողություններով պառակտել ռուս հասարակությունը
«Ժամանակն է լռեցնելու քաղաքական ամբիցիաները և չխարխլելու պետականության հիմքերը»․ Ամստերդամ
Բաքվի բանտերից հղվող հայերի ուղերձները տարբեր են, սակայն դրանցում կարմիր թելով անցնում է հայկական պե...