Սեփական համայնքից թալանելու նուրբ արվեստը...

Մանե Առաքելյանը ֆեյսբուքյան իր էջում գրում է.

Վերջերս նախկին իշխանությունների կարկառուն ներկայացուցիչների մասնակցությամբ ապօրինությունների բացահայտման շքերթի ականատեսն ենք լինում:
Տարբեր մակարդակներում, տարբեր կալիբրի պաշտոնյաների կողմից ամենատարբեր մակարդակների սեփականաշնորհումներ են, որ կատարվել են:
Դավթաշեն վարչական շրջանի նախկին ղեկավարը, օրինակ ավարտին է հասցրել սեփականաշնորհման մի գործընթաց, որով օտարել է, ուշադրություն, թաղապետարանի շենքի մի հատվածը: Գործընթացը սկսվել է նախկին թաղապետներից,սակայն ավարտվել է Արթուր Գևորգյանի ժամանակ, ով թաղապետ է եղել 2008-2012թթ: Օտարվել է շենքի բավականին մեծ հատված՝ տրվելով ոմն քաղաքացու: Հետագայում այն վերավաճառվել է մի քանի սեփականտիրոջ ևս: Այս պահին սեփականատերը Արթուր Գևորգյանի աներորդի Գևորգ Եղիազարյանն է:
Առաջին հարկի տարածքը ծառայում է որպես պրակտիկ հրաձգության ֆեդերացիա, որի նախագահն է նույն Արթուր Գևորգյանի եղբայրը՝ Արտյոմ Գևորգյանը: Արթուր Գևորգյանի ղեկավարած բռնցքամարտի ֆեդերացիան ևս նույն շենքում է:
Հիմա տրամաբանական հարց՝ նման որակների ու արժեքների տեր մարդը ինչպե՞ս կարող է մտահոգվել, իրապես մտահոգվել և զբաղվել սպորտի կամ մարզիկի հաջողություններով: Նրանց աշխարհայացքը պտտվում է իրենց գրպանի առանցքի շուրջ:
Ինչպես ասում են՝ no comment: «Սեփական համայնքից թալանելու նուրբ արվեստը» վերնագրով մի աշխատության համահեղինակ կարող էր դառնալ նաև Արթուր Գևորգյանը: