Ահա թե ինչ կկատարվի Ձեր մարմնի հետ, եթե ամբողջովին մերկ քնեք

ԱՄՆ յուրաքանչյուր երրորդ բնակիչը մերկ է քնում, պարզել են U.S. National Sleep Foundation-ի հետազոտողները։ Հանրահայտ ամերիկացի մարզիչ Չարլզ Փոլուքինի կարծիքով՝ այդ սովորությունը առողջության համար օգտակար է։ Օրինակ, մերկ քնելն օգնում է նվազեցնել սթրեսի հորմոնի՝ կորտիզոլի մակարդակը։

Կորտիզոլի ազդեցության տակ մեր օրգանիզմը ճարպ է կուտակում, ընդ որում՝ որովայնախոռոչային տեսակի, որը պատում է ներքին օրգանները՝ նպաստելով սրտի հիվանդությունների եւ շաքարախտի զարգացմանը։ Որքան քնում արտադրվող կորտիզոլի քանակը քիչ է, այնքան շատ է այն արտադրվում հաջորդ օրը, երբ այդ հորմոնն առավել արդյունավետ է օգտագործվում, օրինակ, ֆիզիկական ծանրաբեռնվածության ժամանակ։

Փորձագետի կարծիքով այդ նույն հումքից, որից արտադրվում է կորտիզոլը, արտադրվում է նաեւ տեստոստերոնը։ Բացի այդ, եթե հագուստով քնելիս մարդ շատ է շոգում քնի մեջ, դա դանդաղեցնում է աճի հորմոնի արտադրությունը, ինչը խանգարում է օրգանիզմին այրել ճարպը։ Դրա հետ համաձայն է նաեւ Նոթինգեմի համալսարանի ֆիզիոլոգիայի պրոֆեսոր, «շագանակագույն ճարպի» (այրում է էներգիան) ոլորտի մասնագետ դոկտոր Մայքլ Սայմոնսը։

Նա նշում է, որ «շագանակագույն ճարպը» 300 անգամ ավելի շատ ջերմություն է արտադրում, քան մարմնի ցանկացած այլ օրգան։ Նշանակում է, որ եթե այն հնարավոր է ակտիվացնել երկար ժամկետով, ապա սպիտակ ճարպի տեսքով էներգիայի աղբյուրը մարդուն անհրաժեշտ չէ։ Ահա թե ինչու մերկ քնելը այդքան օգտակար է։ Մերկ քնող մարդկանց մոտ նկատվում է շագանակագույն ճարպի ավելի մեծ քանակ։