Ինսուլտի առաջին նշանները կանանց մոտ. ոչ մի դեպքում ՄԻ՛ ԱՆՏԵՍԵՔ այս ազդանշանները

Կաթվածի նշանները ժամանակին ճանաչել կարողանալը կօգնի ոչ միայն պահպանել կյանքը, այլև խուսափել հաշմանդամությունից:

Եթե բուժօգնություն տրամադրվի առաջին նշանների հայտնվելուց հետո 3, առավելագույնը 5 ժամվա ընթացքում, բացասական հետևանքները նվազագույն կլինեն: 7 ամենագլխավոր նշանները, որոնցով հնարավոր է իմանալ մոտալուտ կաթվածի մասին:

Ինսուլտի առաջին նշանները

Արյան բարձր ճնշում: Եթե հակված չես հիպերտոնիայի, դա անհանգստանալու պատճառ է:
Ոչ ճկուն պարանոց: Քեզ ստուգելու համար փորձիր կզակով դիպչել կրծքավանդակիդ: Եթե պարանոցդ փայտանում է և անշարժ է, իսկ գլխացավդ շատ ուժեղ է, շտապօգնություն կանչիր:
Մարմնի աջ կամ ձախ մասի թմրություն: Կարող է վերաբերել ինչպես ձեռքերին, այնպես էլ՝ ոտքերին: Զգայնության կորուստը, ծակոցը, մարմնի ջերմաստիճանի նվազումը ստույգ նշաններ են:
Ուժեղ գլխացավ: Առանց պատճառի ցավը գլխի ճակատային, թիկունքային կամ քունքային մասում կարող է վկայել կաթվածի մասին:
Տեսողության և լսողության խանգարումներ: Աչքերի առաջ աղոտ պատկեր, լսողության խլացում, առարկաների վրա կենտրոնանալու անընդունակություն՝ եթե այս ախտանիշերը հանկարածակի են առաջացել, դիմիր բժշկի:
Խոսքի խանգարում: Կարող ես չկապակցված խոսել և ինքդ էլ դա չնկատել: Քեզ ստուգելու համար փորձիր հաղորդագրություն գել: Կաթվածի դեպքում տեքստն անիմաստ կլինի:
Կոորդինացիայի խանգարում: Անկայուն քայլվածքը և մանր առարկաների տիրապետել չկարողանալը մտահոգության լուրջ պատճառ է:
Եթե դեռ կասկածներ են մնացել, իսկ նշանները շատ թույլ են, արագ թեստ արա:

Ժպտա: Կաթվածի դեպքում դեմքի կեսն անշարժ է մնում:
Ձեռքերդ վեր բարձրացրու: Մկանների թուլությունը թույլ չի տա դա անել:
Լեզուդ հանիր: Կաթվածի դեպքում այն ասիմետրիկ կամ կախված կլինի:
Կաթվածի այս նշանները հայտնաբերելու դեպքում արագ շտապօգնություն կանչիր: