5 ԲԱՆ, ՈՐՈՆՑ ՀԱՄԱՐ ԱՆՊԱՅՄԱՆ ԶՂՋԱԼՈՒ ԵՔ 10 ՏԱՐԻ ՀԵՏՈ

Այն բանի համար, որ ավելի շուտ չեք սկսել անել որևէ բան: «Պետք էր 10 տարի առաջ սկսել լեզու սովորել, հիմա արդեն կկարողանայի ազատ խոսել» ,«պետք էր երիտասարդ ժամանակ սկսել սպորտով զբաղվել», հիմա արդեն ուշ է», «պետք էր սկսել փոխել սովորութունները, ստանալ երկրորդ կրթություն» և այլն: Այն բոլոր մտքերը, որոնք այսօր պտտվում են ձեր գլխում և որոնց դուք հակազդում եք «երկուշաբթի օրվանից սկսած» , «երբ երեխաները մի փոքր մեծանան» մտքերով, ապագայում դառնալու են ափսոսանքի պատճառ:

Այն բանի համար, որ չեք ճանապարհորդել, երբ դրա հնարավորությունը կար: Ամենահետաքրքիրն այն է, որ դրա համար զղջում են բոլոր տարիքի մարդիկ: 30 տարեկաններն ափսոսում են, որ քիչ են ճանապարհորդել, քանի դեռ երեխաներ չունեին, 40 տարեկանները՝ երբ երեխաները դեռ փոքր էին, 50 տարեկանները՝ մեծ երեխաների հետ, երբ դեռ նրանք իրենց կողքին էին, 60 տարեկանները՝ երբ ավելի երիտասարդ էին ու էներգիայով լի:

Այն բանի համար, որ մնում եք անառողջ հարաբերություններում: «Չեմ հասկանում, թե ինչո՞ւ եմ այդքան երկար շփվել այդ մարդու հետ, ծախսել այդքան էներգիա՝ չնայած հասկանում էի, որ այդ մարդն ինձ կործանում է»,- որևէ նման բան ասե՞լ եք ինքներդ ձեզ երբևէ: Ժամանակի ընթացքում ակնհայտ է դառնում, որ յուրաքանչյուր անառողջ հարաբերություն ժամանակի անիմաստ վատնում է, ինչի համար անպայման ափսոսալու եք ապագայում:

Այն բանի համար, որ թույլ եք տալիս, որ «ինչ կմտածեն մարդիկ» վախն ազդի ձեր որոշումների ու ընտրությունների վրա: Բոլորս քննարկում ու քննադատում ենք այլ մարդկանց, եկեք անկեղծ խոստովանենք դա: Որևէ մեկը դա լուռ է անում, մյուսը՝ բացահայտ: Խնդիրն այն է, որ որևէ մեկի «ճշտի» համար որոշում ընդունելը շատ հաճախ դառնում է ձեր ձախողման պատճառը:

Այն բանի համար, որ չափազանց շուտ եք հանձնվել: Դուք առաջին քայլերն եք արել դեպի երազանք, այնուհետև ձեր գլխին թափվել են բազմաթիվ խնդիրներ, պատասխանատվության բեռ և դուք աստիճանաբար հետ եք քաշվել՝ մոռանալով ամեն ինչ: Ոչ միշտ է մեր ջանքերի արդյունքը միանգամից երևում, երբեմն նպատակին հասնելու համար պետք է համառություն դրսևորել կամ պարզապես ժամանակ հատկացնել: Թույլ մի տվեք հանգամանքներին ձեզ դեպի ճահիճը ձգել, ժամանակից շուտ մի հանձնվեք, այլապես անպայման կզղջաք դրա համար՝ 10 տարի անց: