Ինչպե՞ս իդեալական տեսք ունենալ առանց կոսմետիկայի. 12 բյութի-հնարքներ, որոնց մասին պետք է իմանան բոլոր աղջիկները

Ներկայացնում ենք 12 քայլ՝ խնամված արտաքինի համար:

1. Փայլող դեմք

Դեմքի գույնն ավելի առողջ դարձնել կօգնի երիցուկով թեյը: Միջոցի համար անհրաժեշտ կլինի 1 ճ. գ. երիցուկ և 1 բաժակ եռացած ջուր: Թեյը պատրաստիր և 30 րոպեով թող տերմոսի մեջ, որ թրմվի:

Հետո քամիր, մի քիչ սառեցրու և 1 թ. գ. մեղր ավելացրու: Ըմպելիքը խմիր ամեն օր առավոտները փոքր կումերով քաղցած վիճակում: 2 շաբաթ անց դեմքիդ մաշկն իդեալական տեսք կունենա:

2. Երկար և խիտ թարթիչներ

Ապակե տարայի մեջ խառնիր հավասար քանակի գերչակի, նուշի, քնջութի և կռատուկի յուղեր: Խառնուրդին վիտամին Е ավելացրու: Յուղը չոր թարթիչներիդ քսիր, թող գիշերը և առավոտյան մնացորդները լվա տաք ջրով: 2 շաբաթ անց արդյունքը կզգաս:

3. Ազատվիր փխրուն մազերից և դյուրաբեկ ծայրերից

Փխրուն մազերից և դյուրաբեկ ծայրերից ազատվելու համար հարիր ձվի դեղնուց և կես բաժակ սովորական յոգուրտ առանց հավելումների: Ավելացրու 1 ճ. գ. գերչակի և կոկոսի յուղեր, 1 ճ. գ. ավոկադոյի կամ ժոժոբայի յուղ: Ամենը լավ խառնիր: Դիմակը քսիր թաց մազերիդ, պոլիէթիլենային գլխարկ դիր: Մեկ ժամ անց մազերդ լավ լվա:

4. Ձեռքերը կնոջ այցեքարտն են

Ձեռքերի մաշկը փափկեցնելու համար քո սիրելի ձեռքի քսուքից մի քիչ խառնիր նույնքան քացախի: Քսիր ձեռքերիդ ամեն օր քնելուց առաջ, մի քանի շաբաթ անց կզգաս, որ ձեռքերդ հարթ և փափուկ են դարձել:

5. Պայքար պեպենների և պիգմենտային բծերի դեմ

Մի քանի միջոց կա: Դանդաղ, բայց ադյունավետ է կտրտած մաղադանոսը, վրան եռացած ջուր լցրու: Թող կես ժամ թրմվի և քամիր: Օրական 3 անգամ սրբիր դեմքդ և մարմինդ:

Պեպեններից արագ ազատվել կօգնի նաև կիտրոնի հյութը և խիտ թեյը: Այս լուծույթով օրական 2 անգամ սրբիր դեմքդ և մեկ շաբաթ անց պեպենները պակաս նկատելի կդառնան:

6. Հարթ և փայլուն մազեր

Մազերի ամրացման համար բլենդերով հարիր բանան և 1 ճ. գ. ձիթապտղի յուղ: Ավելացրու 2 թ. գ. մեղր և 1 ճ. գ. յոգուրտ առանց հավելումների:

Բոլոր բաղադրիչները լավ խառնիր մինչև համասեռ զանգված ստացվի: Դիմակը քսիր թաց մազերիդ և կես ժամ անց լավ լվա ջրով:

7. Վերացնում ենք մաշկի ցանը և գրգռվածությունը

Ալոեի հյութով լոսյոնի համար խառնիր 100 գ. ալոեի հյութ, 3 ճ. գ. եռացած ջուր և 3 ճ. գ. սպիրտ:

Այդ լոսյոնով ամեն օր սրբիր դեմքիդ և պարանոցիդ մաշկը, թող 10 րոպե: Վերջում մնացորդները լվա տաք ջրով և դեմքիդ խոնավեցնող քսուք քսիր:

8. Ամրացնում և սպիտակեցնում ենք եղունգները

Պետք է կիտրոնով վաննա անել: Դրա համար կիտրոնը կիսում ենք 2 մասի, ամեն կեսի մեջ մտցնում մատները, պահում 15 րոպե:

9. Վերացնում ենք շուրթերի ճաքճքածությունը

Պատրաստիր դիմակ թթվասերից և գազարի հյութից (հավասար քանակի): Քսիր շուրթերիդ և լվա 7 րոպե անց:

10. Սպիտակեցնում ենք ատամները

Ակտիվացված ածխի փոշով խոզանակով մաքրիր ատամներդ, արդյունքը կնկատվի արդեն 1 շաբաթ անց: Այս միջոցի համար ատամի առանձին խոզանակ օգտագործիր:

11. Վերացնում ենք աչքերի տակի կապտուկները

Կպահանջվի 1 բաժակ սառը կաթ և 2 կտոր բամբակ: Բամբակը թրջիր կաթի մեջ և դիր աչքերիդ տակ:

12. Իդեալական սանրվածք

Որպեսզի մազերը չէլեկտրականանան, ափերդ թրջիր հանքային ջրով և շոյիր մազերդ:

Աղբյուր՝ Blognews.am