Պատրաստեք հավի մսով այս անմահական համով ռուլետը և զարմացրեք Ձեր հյուրերին

Հավի մսով ֆրանսիական ռուլետները ձեր տոնական սեղանին յուրահատուկ գրավչություն կտան: Նրանք սնկի, պանրի և նուրբ հավի մսի համերի հետաքրքիր փունջ են ներկայացնում:

Բաղադրիչներ

4 կտոր հավի ֆիլե
100 գրամ շամպինյոն
200 գրամ պանիր
հավի մսի համեմունքներ
կաթ,
բուսական յուղ
մայոնեզ
կես լիմոնի հյութ;
աղ, պղպեղ, դափնու տերև, քրքում.
Պատրաստման եղանակը

Հավի ֆիլեն լավ թակում ենք: Պատրաստում ենք մարինադը՝ խառնում ենք մի երկու գդալ մայոնեզ, լիմոնի հյութը, բուսական յուղ, աղ, համեմունքներ: Այս խառնուրդը քսում ենք մսի վրա ամբողջությամբ և թողնում կես ժամ:

Սունկը մանր խորանարդիկներով կտրատում ենք, խառնում պանրի հետ և լցնում ֆիլեի վրա: Այն փաթաթում ենք ռուլետի տեսքով, ամրացնում ատամի չոփիկներով և տապակում բուսական յուղի մեջ, պարբերաբար շրջելով: Ռուլետները շարում ենք տապակի մեջ, վրան լցնում կաթը, որին ավելացրել ենք համեմունքներ, դնում ենք ջեռոցը մոտ 40 րոպե, այնուհետև վրան ցանում ենք պանիր և էլի թողնում մոտ 10 րոպե:

Մատուցելուց առաջ ռուլետները կտրատել օղակաձև:

Պատրաստման ժամանակը՝ 1 ժամ, 40 րոպե.

Բարի ախորժակ