Կարտոֆիլով 4 դիմակ՝ թարմ, առողջ ու անթերի մաշկ ունենալու համար

Բոլոր կանայք էլ ուզում են գեղեցիկ ու առողջ մաշկ ունենալու մասին, սակայն արտաքին միջավայրի անբարենպաստ պայմանները, սխալ խնամքն ու սխալ սննդակարգն իրենց հետքն են տողնում մաշկի վիակի վրա: Մաշկի խնամքը կարող է բավական բարդ թվալ, ուստի զարմանալի չէ, որ շատերը հսկայական գումարներ են վատնում՝ մաշկի խնամքի միջոցներ ձեռք բերելու համար: Սակայն կան նաև բազմաթիվ բնական միջոցներ, որոնք իրենց արդյունավետությամբ չեն զիջում թանկարժեք կոսմետիկ միջոցներին:

Ձեր ուշադրությանն ենք ներկայացնում մաշկի պիգմենտային գունակներից ազատվելու 4 բնական միջոց, որոնց հիմնական բաղադրիչը կարտոֆիլն է: Այս դիմակների պատրաստման համար անհրաժեշտ են միայն բնական և հասանելի միջոցներ, ուստի դրանք հարմար են յուրաքանչյուրի գրպանին, ինչպես նաև չեն առաջացնում կողմնակի բարդություններ ու ալերգիկ ռեակցիաներ:

Կարտոֆիլով ու կիտրոնով դիմակ.

Անհրաժեշտ բաղադրիչներն են.

· 1 հատ հում կարտոֆիլ

· ½ կիտրոն

Կարտոֆիլը քերիչով մանրացնել, քամել կիտրոնի հյութը, այնուհետև խառնել այդ բաղադրիչները, մինչև ստացվի համասեռ զանգված: Ստացված զանգվածը քսել դեմքին նուրբ շրջանաձև շարժումներով, թողնել 20 րոպե, այնուհետև լվանալ գոլ ջրով:

Կարտոֆիլով ու սոխով դիմակ.

Անհրաժեշտ բաղադրիչներն են.

· 1 հատ կարտոֆիլ

· ½ սպիտակ սոխ

Բաղադրիչները լցնել կոտորակիչի մեջ և խառնել, մինչև դառնա համասեռ զանգված: Ստացված զանգվածը քսել դեմքին, թողնել 15 րոպե և լվանալ ջրով:

Կարտոֆիլով ու վարունգով դիմակ.

Անհրաժեշտ բաղադրիչներն են.

· 1 հատ կարտոֆիլ

· ½ վարունգ

Վարունգն ու կարտոֆիլը կոտորակիչով մանրացնել, մինչև դառնա համասեռ զանգված, նուրբ շրջանաձև շարժումներով քսել դեմքին, թողնել 25 րոպե և լվանալ մեծ քանակությամբ ջրով:

Կարտոֆիլով ու գազարով դիմակ.

Անհրաժեշտ բաղադրիչներն են.

· 1 հատ կարտոֆիլ

· ½ գազար

Կարտոֆիլն ու գազարը լցնել կոտորակիչի մեջ և խառնել, մինչև ստացվի համասեռ զանգված: Քսել դիմակը դեմքին, թողնել 20 րոպե, այնուհետև լվանալ մեծ քանակությամբ ջրով: Դիմակը հարկավոր է կիրառեկ երեկոյան: Լավ արդյունքի հասնելու համար պրոցեդուրան հարկավոր է կրկնել երեք անգամ (3 օր):