10 ամենագերագնահատված զբոսաշրջային վայրերը Եվրոպայում, որոնք իրականում կհիասթափեցնեն Ձեզ

Եվրոպա այցելող յուրաքանչյուր զբոսաշրջիկ ունի տուրիստական օբյեկտների ցանկ, որոնք պարտադիր են այցելության համար։ Արդյունքում նրանք ստիպված են լինում ժամերով հերթ կանգնել, ապա անցնել ամբոխի միջով՝ տեսնելու տեսարժան վայրի գոնե մի հատվածը, բայց հաճախ նրանց մեծ հիասթափություն է ապասում։

Ձեզ ենք ներկայացնում այն 10 զբոսաշրջային վայրերը Եվրոպայում, որոնք միգուցե իրականում հիասթափեցնեն Ձեզ։

10. Էյֆելյան աշտարակ

Ինչքան գեղեցիկ տեսք ունի Փարիզի ամենառոմանտիկ վայրը բացիկների վրա, այնպես չէ՞։ Իհարկե, քաղաք այցելող յուրաքանչյուր մարդ պարտավորված է զգում աշտարակը տեսնելու, այդ իսկ պատճառով պատրաստ եղեք սարսափելի հերթերին, վերելակի ու ռեստորանների ազատ չլինելուն։

9. Պիզայի աշտարակ

Այո, աշտարակը իսկապես ընկնող տեսք ունի, սակայն ասում են, որ նման էֆեկտ ստացել են հատուկ զբոսաշրջիկներին գրավելու համար։ Աշտարակի շրջակայքում մշտապես նույն տեսարանն է. տասնյակ մարդիկ լուսանկարվում են՝ այն «բռնելու» դիրք ընդունած։

8. Կոպենհագենի ջրահարսը

Դանիայի մայրաքաղաքի խորհրդանիշը՝ Անդերսենի հեքիաթի Ջրահարսը, այցելության պարտադիր վայր է բոլոր զբոսաշրջիկների համար, սակայն այնտեղ արդեն իսկ եղած զբոսաշրջիկները խորհուրդ են տալիս չշտապել Ջրահարսի մոտ՝ հիասթափություն չապրելու համար. արձանն ունի ընդամենը 1,25 մ բարձրություն և արտաքնապես գրավիչ ու տպավորիչ չէ։

7. Սթոունհենջ
Ո՞վ չի լսել խորհրդավոր քարերի մասին, որոնք գտնվում են Լոնդոնից քիչ հեռավորության վրա։ Այս միստիկ վայրը իր մոտ է կանչում բազմաթիվ զբոսաշրջիկների, որոնք ցանկանում են հնագույն կառույցը տեսնել։ Քարերն իրականում շրջափակված են ցանկապատերով և այնքան էլ հետաքրքիր տեսք չունեն։

6. Վենետիկ

Վենետիկը փորձառու զբոսաշրջիկներն անվանում են «տուրիստական հսկայական թակարդ». հայտնի ջրանցքները շատ աղտոտ են, քաղաքում մեծ թվով բնակչություն կա, կենտրոնում հնարավոր չէ մատչելի գնով սնունդ գտնել։

5. Կարմիր լուսացույցների թաղամասը Ամստերդամում

Այս թաղամասը քաղաքի գլխավոր այցեքարտն է։ Ներկայումս վատ վիճակում է. աղբ, շատ ժողովուրդ։ Նրբանցքները չափանազանց նեղ են նորմալ տեղաշարժվելու համար։

4. Լոնդոնի աչք
Այս հաջողված կոմերցիոն նախագիծը վեր է խոյանում Լոնդոնի պատմական հատվածի կենտրոնում։ Արդյոք արժե՞ գումար ու ժամանակ՝ 30-40 րոպե, վատնել հերթում այն բանի համար, որպեսզի մի քանի րոպեով վերևից նայեք քաղաքին։ Զբոսաշրջիկների մի մասը պատրաստ է դրան, իսկ մյուս մասը նախընտրում է այցելել ամրոցներ, թանգարաններ ու հին քաղաքի այգիներ։

3. Մոնա Լիզա

Այսօր Մոնա Լիզան գտնվում է Փարիզի Լուվրի թանգարանում։ Լուվրն ինքն իրենով տեսարժան վայր է և այնքան մեծ, որ եթե ցանկանաք յուրաքանչյուր կտավի գոնե մեկ րոպե հատկացնել, ապա կպահանջվի 500 տարի՝ բոլորը տեսնելու համար։ Շատ զբոսաշրջիկներ սկսում են հենց Մոնա Լիզայից, հետևաբար, դահլիճը, որտեղ գտնվում է այս կտավը, մշտապես բազմամարդ է ու ճնշող։

2. Միզող տղան

Փորձառու զբոսաշրջիկներն ասում են, որ Բրյուսելում շատ չեն տեսարժան վայրերը, եթե, իհարկե, չեք սիրում բարձր վարչական շենքերին նայել։ Սակայն մի տեսարժան վայր պլանավորում են տեսնել բոլորը, և դա Միզող տղայի արձանն է։ Խնդիրն այն է, որ բրոնզե արձանի առջև միշտ շատ մարդ կա հավաքված։ Երբ Ձեզ վերջապես հաջողվի հասնել դիտորդների առաջին շարք, ապա կտեսնեք, որ այն նույն տեսքն ունի, ինչ լուսանկարներում, պարզապես ավելի փոքր։

1. Սեն-Տրոպե քաղաք, Ֆրանսիա

Քաղաքն այնքան լի է զբոսաշրջիկներով, որ անգամ տեղի բնակիչներն են ցանկանում հարևան քաղաքներ տեղափոխվել։ Չնայած որ սա գեղեցիկ վայր է, Սեն-Տրոպեն նման է Լազուրի ափի մյուս բոլոր քաղաքներին։

Աղբյուր