Ինչ է երեխաների մոտ ուշադրության պակասի համախտանիշը. ինչպես ճանաչել և կանխել

Ուշադրության պակասի և հիպերակտիվության համախտանիշը (ՈՒՊՀՀ), որի մասին այսօր կպատմենք, զարգացման նյարդաբանական–վարքային խանգարում է, որը հաճախ սկսվում է մանկական տարիքում և դրսևորվում է այնպիսի ախտանշաններով ինչպիսիք են ուշադրության կենտրոնացման խնդիրները, գերակտիվությունը և իմպուլսի վերահսկման դժվարությունները։

ՈւՊՀՀ ախտանշանները բաժանվում են երեք տեսակի։

Առաջին տեսակը վերաբերում է այն երեխաներին, որոնց մոտ առավել ցայտուն է արտահայտված անուշադրությունը։

Երեխան հեշտությամբ ցրվում է
Չի կատարում իր առջև դրված առաջադրանքները
Չի լսում
Սխալներ է անում անուշադրության պատճառով
Մոռանում է ամենօրյա գործերի մասին (օր.՝ լվանալ ատամները)
Հաճախ է կորցնում իրերը
Երազկոտ է
Երկրորդ տիպը վերաբերում է այն երեխներին, որոնց մոտ ավելի զարգացած է հիպերակտիվությունը

Հաճախ է նյարդայնանում
Երկար մի տեղում նստած չի կարողանում մնալ
Չի կարողանում հանգիստ խաղեր խաղալ
Մշտապես շարժվում է, սողում, վազում
Շատ է խոսում, բղավում, ծղրտում։
Երրորդ տիպը վերաբերում է երեխաների իմպուլսիվությանը

Դժվարությամբ է սպասում իր հերթին
Ընդհատում է զրուցակիցներին
Դժվարանում է մինչև վերջ լսել, թե ինչ են իրեն ասում
Ինչպես կարելի է օգնել երեխային այս ախտանշանները նկատելու դեպքում

1. Պետք է համապատասխան դպրոց ընտրել, որտեղ նա իրեն լավ կզգա։

2. Եթե համախտանիշը սուր է դրսևորվում, կարող է օգնել հոգեթերապևտը։

3. Երեխային սպիտակուցներով հարուստ նախաճաշ տվեք։ Հիշեք, որ շաքարը հակացուցված է, այն սրում է հիպերակտիվությունը։

4. Երեխայի համար հանգիստ աշխատատեղ պատրաստեք, որտեղ ն դասերը կանի և չի շեղվի խաղալիքներով։

5. Երեխայի հետ շատ զբոսնեք, թող հեծանիվ, անվաչմուշկներ և վազակ քշի։

6. Երեխային ուշադիր լսեք առանց շեղվելու, քանի որ այդպես նա էլ է սովորում նույնն անել։

7. Երեխային անպայման որևէ սպորտաձևի տվեք։

Եթե ՈՒՊՀՀ համախտանիշը հայտնաբերված է, ուրեմն անպայման հետևեք այս խորհուրդներին և անպայման դիմեք մասնագետի։

Աղբյուր