Նայեք ձեր մատներին. գուցե դուք հանճա՞ր եք
Ձեր մատնահետքերը ոչ միայն յուրահատուկ են և անկրկնելի, այլ կարող են շատ բան ասել ձեր բնավորության և մտավոր ներուժի մասին:
Մարդու մատնահետքերը ուսումնասիրում է հատուկ գիտություն՝ դերմատոգլիֆիկան, որը սկզբից օգտագործվել է հանցագործների հոգեբանական պատկերը կազմելու համար:
Այս գիտության ծնունդը համարվում է 1892թ-ը, երբ հայտնի կենսաբաններից մեկը՝ Չարլզ Դարվինի եղբայր Ֆրենսիս Համիլտոնը, լույս է ընծայել իր ծավալուն աշխատությունը՝ մատնահետքերը և նրանց հարաբերակցությունը մարդու անձնական հատկությունների հետ:
Եվ այսպես, սպիտակ թղթի վրա թողեք ձեր 10 մատների հետքերը, կամ ուղղակի կարող եք ուշադիր զննել ամեն մատը: Բոլոր մատնահետքերը անհատական են, սակայն իրենց ձևով բաժանվում են 3 տեսակի՝ ալիքների, հանգույցների, ոլորագծերի:
Սովորաբար մարդու մոտ հանդիպում է 2 կամ նույնիսկ 3 տեսակի մատնահետքեր, հազվադեպ՝ մեկ:
Ավելի շատ «ալիքներ»
«Ալիքներն» ամենատարածված ձևն են: Այսպիսի մարդիկ սովորաբար ունենում են հանգիստ բնավորություն, հավասարակշիռ են: Այսպիսինների մասին դպրոցում ասում են «կայուն միջին»: Երկնքից աստղեր չեն բռնում, սակայն կասկածելի արկածներում էլ չեն հայտվում: Նրանք հեշտությամբ են շփվում մարդկանց հետ, սակայն կոլեկտիվի հոգին չեն, պահպանում են հավասար հարաբերություններ ընկերների, գործընկերների հետ, ավելի շատ կենտրոնացած են ընտանիքի վրա: Սովորաբար այս մարդիկ ոճաբան-վարսավիրներ են, դիմահարդարներ, օգնականներ, ինտերյերի դիզայներներ:
Եթե ալիքները ձեր մոտ ցուցամատների վրա են, ուրեմն դուք շատ շփվող եք: Եթե աջ ձեռքի վրա դրանք ավելի շատ են, ուրեմն դուք բռնկուն եք, սակայն հեշտությամբ ներող: Համապատասխանաբար նաև հակառակը, ձախ ձեռքի վրա ավելի շատ լինելը խոսում է այն մասին, որ դուք չեք նեղանում մանրուքներից, սակայն, եթե նեղանում եք, ուրեմն դժվարությամբ եք ներում:
Մեծ մատների վրա «ալիքները» խոսում են նրա մասին, որ դուք միշտ պնդում եք ձեր ասածը և չեք լսում այլ փաստարկներ: Եթե դուք համոզված եք ձեր ճշմարտացիության մեջ, ուրեմն դուք անբեկումային եք:
Ցուցամատների վրայի «ալիքները» խոսում են ձեր չափազանց շատ զգացմունքայնության և խոցելիության մասին: Նաև, որ շատ պատասխանատու եք և նվիրված: Դուք երբեք ձեր ընկերոջը փորձանքի մեջ չեք թողնի և կանեք ամեն ինչ գործը ավարտին հասցնելու համար: Յուրաքանչյուր ղեկավարի համար ձեր նման աշխատողը գանձ է:
Ավելի շատ «Հանգույցներ»
Այս ձևն ավելի շատ տարածված է կենտրոնական Եվրոպայում: Այսպիսի մարդիկ բավականին բաց են, վստահ և կենտրոնացած իրենց կարիերայի վրա: Նրանց համար կարևոր է ինքնազարգացումը և ինքնաարտահայտումը: Այսպիսի մարդկանց մոտ զարգացած է ինտելեկտը և մտավոր կարողությունները: Նրանք շատ աշխույժ, աշխատունակ, ստողծագործող մարդիկ են:
Եթե «հանգույցները» ցուցամատների վրա են, ուրեմն դուք կատարյալ թիմային խաղացող եք: Դուք չեք կոտորվում առաջնորդ դառնալու համար, սակայն հիանալի կերպով փոխգործակցում եք գործընկերների, ընկերների և բարեկամների հետ:
Միջին մատների վրայի հանգույցները ցույց են տալիս, որ ուժեղ կախվածության մեջ եք ուրիշների կարծիքից: Նույնիսկ եթե դուք դա ցույց չեք տալիս, հոգու խորքում անհանգստանում եք, թե ինչ կմտածեն գործընկերները ձեր նոր զգեստի մասին կամ ինչ կասի մայրիկը, երբ իմանա, որ պաշտոնի բարձրացում չեք ստացել:
Անանուն մատների վրայի հանգույցները խոսում են ամուր առողջության մասին: Վիճակագրությունը ցույց է տվել, որ չնայած նրանք հաճախ են հիվանդանում փոքր տարիքում, սակայն մեծանալուն պես գրեթե ոչ մի ծանր հիվանդություն չեն ունենում:
Եթե հանգույցները 8-ից շատ են, ուրեմն դուք շատ եք սիրում երազել և երևակայել: Այսպիսինների մասին ասում են «ամպերում է թռնում», կամ «այս աշխարհից չէ»:
Ավելի շատ «Ոլորագծեր»
Որքան շատ են ձեր մատների վրայի ոլորագծերը, այդքան շատ ներուժ ունի ձեր ուղեղը: Տասը «ոլորագիծը» գիտնականները անվանում են «հանճարություն կնիք», քանի որ այն բավականին հազվադեպ է հանդիպում և մեծամասամբ գիտնականների, հայտնագործողների մոտ: Այսպիսի մարդկանց մոտ զարգացած է տրամաբանությունը, նրանք ունակ են վերլուծություններ անել և ունեն լեզվաբանական ու մաթեմատիկական բարձր ունակություններ: Այսպիսի մարդիկ հեշտությամբ մի քանի լեզու են սովորում և հասուն տարիքում կարող են արմատապես փոխել իրենց մասնագիտությունը: Միակ բանը, ինչը նրանց չի հետաքրքրում կյանքում՝ նյութական բարիքներն են:
Մեծ մատների վրայի ոլորագծերը խոսում են ղեկավարելու ցանկության մասին: Այսպիսի մարդիկ չեն կարող աշխատել ենթակայության տակ, նրանց պետք է ազատ տարածք՝ անհատական ծրագրերի համար:
Եթե ոլորագծերը բոլոր մատներին են, բացի մեծ մատներից, ուրեմն խոսքը գնում է հոգեպես բավականին ոչ կայուն անձնավորության մասին: Այսպիսի մարդիկ ունակ են կտրականապես փոխել իրենց դիրքորոշումը հաշված րոպեների ընթացքում, քանի որ հայտնվել են նոր փաստարկներ և փաստեր:
Ցուցամատների վրայի ոլորագծերը խոսում են այն մասին, որ մարդը կարող է միաժամանակ մի քանի գործ անել և բավականին հաջող: Սակայն այսպիսի մարդիկ դժվար են կենտրոնանում: Հաջող աշխատանքի համար նրանց անհրաժեշտ է հստակ ժամանակացույց:
Ճկույթի վրայի ոլորագծերը նշանակում են, որ մարդը բավականին անվճռական է և փակ: Այսպիսի մարդիկ չեն վստահում ուրիշներին, հազվադեպ են մտերմանում ինչ-որ մեկի հետ: Սակայն եթե հաջողվում է ստանալ նրանց վստահությունը, ուրեմն ավելի հավատարիմ ընկեր գտնել հնարավոր չէ:
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ