6 գործոն, որոնք խանգարում են հղիանալուն

1. Տարիք
Տարիքը հիմնական գործոնն է: Կլիմաքսի շրջանում, որը լինում է 45-50 տարեկանում, կնոջ մոտ դադարում է օվուլյացիան, ինչից հետո էլ հնարավոր չի լինում հղիանալ:

2. Գինեկոլոգիական հիվանդություններ
Արգանդի միոմա, էնդոմետրիոզ, պոլիկիստոզ ձվարանների սինդրոմ. բոլոր այս հիվանդությունները բացասաբար են ազդում հղիանալու ունակության վրա, անգամ կարող են բերել անպտղության:

3. Չափից դուրս մեծ ֆիզիկական ակտիվություն
Սպորտով զբաղվելն, իհարկե, լավ է, խոսքը վերաբերում է չափն անցնելուն: Մաշկի տակ գտնվող ճարպային շերտը հանդիսանում է սեռական հորմոնների սինթեզի օրրան, ուստի այդ ճարպային շերտի շատ բարակ լինելը հանգեցնում է էստրոգենի արտադրության կրճատման և խանգարում հղիանալուն:

4. Ճարպակալում
Մեծ ճարպային կուտակումները նույնպես խափանում են կնոջ վերարտադրողական ֆունկցիան և խանգարում հղիանալուն:

5. Սեռական ճանապարհով փոխանցվող հիվանդություններ
Սեռական ճանապարհով փոխանցվող հիվանդությունները բերում են վերարտադրողական համակարգի օրգանների բորբոքման՝ հանգեցնելով անպտղության:

6. Վատ սովորություններ
Ծխելն ու ալկոհոլի չարաշահումը նույնպես բացասաբար են ազդում հղիանալու ունակության վրա: Հետազոտությունների արդյունքում պարզվել է, որ անպտղության դեպքերի 13%-ը պայմանավորված է ծխելով, իսկ ալկոհոլը մեծացնում է օվուլյացիայի խախտման ռիսկը: