Իրաքում անցկացվող բողոքի ցույցերից հասցված վնասի չափը հասել է 6 մլրդ դոլարի
Իրաքում անցկացվող բողոքի ցույցերից հասցված վնասի չափը հասել է 6 մլրդ դոլարի։ Այս մասին հայտարարել է Իրաքի զինված ուժերի գլխավոր հրամանատարի պաշտոնական ներկայացուցիչ, գեներալ Աբդել Կարիմ Խալաֆը, հայտնում է ՏԱՍՍ-ը։
«Ցույցերի հետեւանքով երկրին հասցված վնասի չափը հասել է 6 միլիարդ դոլարի»,- իրանցի գեներալին է մեջբերում Al Hadath հեռուստաալիքը։ Նա Բաղդադում, երկրի կենտրոնական մասի մի շարք քաղաքներում եւ հարավում տեղի ունեցող ցույցերի մասնակիցներին կոչ է արել հրաժարվել բռնություններից եւ պետական հաստատությունների, արդյունաբերական ձեռնարկությունների վրա հարձակումներից, հատկապես՝ նավթային ոլորտում։
Իրաքյան բանակի գլխավոր հրամանատարի ներկայացուցիչը հաստատել է խաղաղ ցույցեր անցկացնելու քաղաքացիների իրավունքները եւ հայտնել է, որ զինվորականները «ցուցարարների հետ բախման դեպքում ռազմական արկեր չօգտագործելու խստագույն հրաման են ստացել»։
Իրաքում հոկտեմբերի սկզբից շարունակվում են կյանքի պայմանների վատացման, գործազրկության եւ կոռուպցիայի դեմ բողոքի ցույցերը։ Համարյա ամենուր դրանք ուղեկցվում են բռնությամբ եւ անկարգություններով։ Մարդու իրավունքների բարձրագույն հանձնաժողովի վերջին տվյալներով՝ այս ընթացքում զոհվել է ավելի քան 260 մարդ, տուժածների թիվը հասնում է 12 000-ի։ Անցյալ շաբաթվանից մայրաքաղաքում եւ երկրի այլ քաղաքներում շարունակվում է քաղաքացիական անհնազանդության անժամկետ ակցիան՝ հազարավոր մարդիկ արգելափակում են մայրաքաղաքի փողոցները եւ պողոտաները, անվադող եր են այրում՝ պարբերաբար բախման մեջ մտնելով ոստիկանների եւ անվտանգության ուժերի հետ։
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Անհոգության պատրանք՝ լուրջ մարտահրավերների ֆոնին. երկրին նոր սպառնալիքներ են սպասվում. «Փաստ»
Փաշինյանը դատական մաֆիան հանել է իմ դեմ. Էդմոն Մարուքյան
Ու դեռ հավատացողներ կան... «Փաստ»
Ինչո՞ւ է ՀԷՑ-ի ավտոպատասխանիչը «նավսյակի» մշտապես վթարային անջատման մասին տեղեկացնում. «Փաստ»
Երևանյան մայրամուտ և դասական հնչյուններ. IDBank-ը՝ Khachaturian Rooftop-ի համերգաշրջանի գլխավոր գործ...
«Ստարտը տրված է». Կոշտ քննադատություն իշխանություններին՝ «անզորության թփրտոցը սկսված է». Հրայր Կամեն...
Մեկ միլիարդ դրամ, վարչական հսկողություն ու բացակայելու արգելք՝ Դավիթ Ղազինյանի համար. դատախազի միջնո...
Ֆասթ Բանկի հովանավորությամբ կայացել է «Հուսո առագաստ» փառատոնի եզրափակիչ հավաքը
Ավետիք Չալաբյանին կալանավորեցին նրան լռեցնելու և քաղաքական ակտիվ գործունեությունից զրկելու համար. Ան...