Կորոնավիրուսի համավարակը Եվրոպայում խորացրել է ֆինանսական խոցելիությունը՝ առաջացնելով նոր ճգնաժամերի սպառնալիք․ ԵԿԲ
Կորոնավիրուսի համավարակը Եվրոպայում խորացրել է ֆինանսական խոցելիությունը՝ առաջացնելով ապագայում նոր ճգնաժամերի սպառնալիք՝ պարտքի մակարդակի աճի եւ բանկերի խնդիրների ֆոնին, հայտնել է Եվրոպական կենտրոնական բանկը։
Եվրոգոտու տնտեսությունը, ինչպես սպասվում է, այս տարի կկրճատվի մոտ 10%-ով, եւ կառավարությունները մի շարք միջոցառումներ են ընդունել, որպեսզի սահմանափակեն վնասը, սակայն կան ավելի երկարաժամկետ հետեւանքներ, եւ որոշ երկրներ կարող են դժվարություններ ունենալ պարտքերի մարման հետ կապված, ինչը մեծացնում է եվրոգոտուց նրանց դուրս գալու ռիսկը, հայտնում է Reuters-ը։
Պարտքի բարձր մակարդակով ընկերությունները նույնպես կարող են գլուխ չհանել, այն դեպքում երբ բանկերի ծայրահեղ ցածր եկամտաբերությունը եւ անշարժ գույքի շուկայի կարգավորման աճող ռիսկը նպաստում են հնարավոր խնդիրների առաջացմանը, ասվում է ֆինանսական կայունության մասին ԵԿԲ-ի զեկույցում:
«Չնայած նրան, որ վարակի տարածման տեմպերը շատ երկրներում նվազում են, տնտեսության եւ շուկաների վրա ազդեցությունը բացահայտել եւ ավելացրել է խոցելիությունը եվրոգոտու ֆինանսական կայունության համար»,- ասվում է ԵԿԲ-ի հաղորդագրության մեջ:
Այս տարի եվրոգոտու երկրների ընդհանուր պետական պարտքը կարող է գերազանցել ՀՆԱ-ի 100%-ը, ինչը շատ ավելի բարձր է, քան պարտքային ճգնաժամի մակարդակը, եւ կարող է մոտենալ 160%-ի Իտալիայում, որն արդեն բախվում է շուկայի աճող այն խաղադրույքներին, որոնք կարող են ստիպել երկիրը հանել եվրոգոտուց:
«Եթե ազգային կամ եվրոպական մակարդակով ձեռնարկված միջոցները համարվեն անբավարար պարտքի կայունությունը պահպանելու համար, դենոմինացիայի ռիսկի շուկայական գնահատականը կարող է ավելի մեծանալ»,- հավելել է ԵԿԲ-ն:
Սամվել Կարապետյանը դատի է տվել Նիկոլ Փաշինյանին․ պահանջում է 3 մլն դրամ և ներողություն խնդրել
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Իշխանության վարած քաղաքականության արդյունքում Հայաստանը այսօր կախման մեջ է գտնվում. Ցոլակ Ակոպյան
Մենք Տիգրանաշեն եկանք սեր տալու և փոխադարձաբար սեր էլ ստացանք․ Ուժեղ Հայաստան
Հանքից մինչև բարձր տեխնոլոգիական արտադրություն․ ինչու է ԶՊՄԿ-ի համար մարդկային կապիտալը դառնում զարգ...
Երբ ակնկալիքների ու իրականության միջև խոր անդունդ է. «Փաստ»
Հարություն Հարությունյան. «Իշխանությունը ԵՄ անդամակցության հայտ ներկայացնելու մտադրություն չունի, իս...
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Փաշինյանի սուտը բացահայտված է. Ուժեղ Հայաստան
Գրանցվեց հուշամրցաշարի նոր ռեկորդ. հուշամրցաշարն անցկացվեց Կապանի համայնքապետի և Զանգեզուրի պղնձամոլ...