«Հրապարակ». Որոշել են թուլացնե՞լ Ավինյանի եւ Թորոսյանի դիրքերը. Սա Փաշինյանի մեսիջն է 2 ուղղությամբ
«Հրապարակ» թերթը գրում է. «Երկու օր է՝ պարետատան նիստերին սկսել է մասնակցել նաեւ ԱԺ առողջապահության եւ սոցիալական հարցերի հանձնաժողովի նախագահ Նարեկ Զեյնալյանը։ Նիստերն էլ սկսել է վարել ոչ թե պարետ Տիգրան Ավինյանը, այլ վարչապետ Նիկոլ Փաշինյանը։
Ասում են՝ սա յուրօրինակ մեսիջ է երկու ուղղությամբ․ մի կողմից Փաշինյանն ուզում է հասկացնել, որ դժգոհ է Ավինյանից՝ նա տապալել է կորոնավիրուսի դեմ պայքարը, մյուս կողմից անհանգիստ է, որ պարետի պաշտոնը կարող է ամրապնդել Ավինյանի դիրքերը, եւ ինքն անձամբ վարելով նիստերն ու թույլ չտալով, որ Ավինյանը միանձնյա ղեկավարի կորոնավիրուսի դեմ պայքարը, թուլացնում է նրան։
Մյուս կողմից էլ փորձ է արվում կոտրել նաեւ Արսեն Թորոսյանի «առողջապահական» մոնոպոլիան՝ նրա «ոխերիմ» բարեկամ Նարեկ Զեյնալյանին այս գործընթացին ներգրավելով եւ նրա դերակատարությունը եւս մեծացնելով։
Երեկ ԱԺ-ից պարետատան հերթական նիստին շտապող Նարեկ Զեյնալյանը զարմացավ, երբ ասացինք, որ տեղյակ ենք նիստերին իր մասնակցության մասին։ «Որտեղի՞ց գիտեք․․․ պարետատունն է որոշում՝ ով մասնակցի նիստերին, հրավիրել են, երեկվանից մասնակցում եմ»,- ասաց նա։
Իսկ մինչ այդ Դուք ցանկություն հայտնե՞լ էիք մասնակցել պարետատան նիստերին. «Պարետատունն է որոշում՝ ով ներգրավվի, հիմա հրավիրել են ինձ՝ մասնակցել՞։
Մեր տեղեկություններով, ամիսներ առաջ Ձեր հանձնաժողովը կորոնավիրուսի դեմ պայքարի առաջարկների ցանկ է ներկայացրել պարետատանը, երկու փաթեթ։ Դրանցից ո՞ր մասն է ընդունվել եւ իրականացվել. «Շուտ էին ներկայացվել առաջարկները, չեմ կարող ասել՝ որ մասն է ընդունվել, բայց հաշվի առնվել են, մարտի սկզբին է ուղարկվել, մարտի վերջին է ուղարկվել, մեծ փաթեթ է»:
Գո՞հ եք, որ մի մասն ընդունվել է, մի մասը՝ ոչ. «Մասամբ հաշվի առնվել է»:
Ի դեպ, ինչո՞վ է պայմանավորված, որ վարչապետն է սկսել վարել նիստերը. «Չեմ կարող ասել»:
Ինչ-որ մեսիջ կա՞ Ավինյանի, Թորոսյանի մասով, որ սկսել է ինքը վարել նիստերը, Ձեզ էլ են հրավիրում. «Էդ ամեն ինչը մեկնաբանություններ ե ն ընդամենը, ենթադրություններ են, չեմ կարող ասել»:




















«Ժողովուրդ». Ձուկ մականունով հայտնի Դավիթ Առաքելյանը հեռանում ԱԺ-ից խոշոր կրիպտոարժույթներով և չգրան...
Հայաստանի ազգային հավաքականի նախկին գլխավոր մարզիչ Խոակին Կապարոսի մոտ ախտորոշվել է հաստ աղիքի քաղցկ...
Արմավիրի համայնքային ոստիկանները կեղծ ալկոհոլային խմիչք ու ավելի քան 12 հազար տուփ առանց դրոշմանիշ ծ...
10 տարի շարունակ իմ միսը կերել են դրա համար, պիտի արդարանաս մի բանի համար, որի հետ դու ընդհանրապես կ...
Երևան-Երասխ ավտոճանապարհին հրշեջ փրկարարները ավտոմեքենայից չորրորդ կիսամոխրացած մարմինն են հայտնաբեր...
Հարյուրավոր հասցեներում լույս չի լինի՝ հունիսի 29-ին և 30-ին
Թե ինչպե՞ս ստացվեց, որ ընտրություններից առաջ իշխանությունը հանկարծ «հիշեց» ՍԴ դատավորների աշխատավարձ...
Ուիթքոֆը մեկնել է Կատար՝ Իրանի հետ բանակցությունների համար
Կասեցվել է «Արարատյան» կաթնամթերքի արտադրական գործունեությունը. ՍԱՏՄ
Քաղաքի մուտքերի մոտ պետք է առանձնացնել այն կետերը, որտեղ ունենալու ենք մեծ ավտոկայանատեղիներ. մարդիկ...