Պատկերացնու՞մ եք, ինչ կկատարվեր, եթե այսօր քաղաքական դաշտում հայտնվեր ընդդիմադիր Նիկոլ տեսակը․ Ռ․ Հակոբյան

Պատկերացնու՞մ եք, ինչ կկատարվեր օրվա իշխանությունների և, մասնավորապես, Նիկոլ Փաշինյանի և նրա ընտանեկան կապալի հետ, եթե այսօր քաղաքական դաշտում հայտնվեր ընդդիմադիր Նիկոլ տեսակը... Պատկերացրեցի՞ք... Ե՞վ... Այս մասին Ֆեյսբուքի իր էջում գրել է քաղաքագետ, «Ակունք» քաղաքական վերլուծությունների կենտրոնի ղեկավար Ռուբեն Հակոբյանը։

«Ես պատկերացրեցի... Փրփրադեզ բերանով ու ճղճղան ձայնով մարդաշատ խառնամբոխին կոչ կաներ «քշել այս տականք իջևանցիքին», ինչի իրականացման արդյունքում կունենայինք տասը զոհ և մոտ 300 վիրավոր... Այնուհետև, վարպետորեն «կանհայտանար» դեպքի վայրից՝ փողոցում թողնելով սպանելու և սպանվելու պատրաստ իր իսկ կողմից ագրեսիայով սնուցած խառնամբոխին... Այնուհետև... Կարծում եմ հասկացաք՝ ինչպես մարտի 1-ին։ Իսկ վերջում էլ զոհվածների հարազատներին 30 միլիոն դրամով «կսփոփեր», որ դատարանում գոռային՝ Նի-կո՛լ, մարդասպան, Նի-կո՛լ, մարդասպան... 

Բայց, անկեղծ ասած, լավ է, որ ընդդիմադիր դաշտում այսօր չկա այդ տեսակը, որը, նույնիսկ պետության անվտանգությունը վտանգելով և որևէ սրբության առաջ կանգ չառնելով, կձգտեր թավշյա քայլարածների հետ ամեն գնով զավթել իշխանությունը։ Իսկապես, պետք է քոքից կտրել այդ տեսակի գոյությունը քաղաքական դաշտում», գրել է Ռուբեն Հակոբյանը, նշել նաեւ, թե ուզում է հավատալ, որ այդ տեսակի փոխարեն իշխանափոխությունը, «ինչն օրվա հրամայականն է, կիրականացնեն պրոֆեսիոնալների՝ հաստատ ո՛չ չտես (իշխանատենչի ամենավտանգավոր տեսակը), ո՛չ գրանտասեր ու պարգևավճարային համախումբը», ինչի ծնունդն ինքն այսօր տեսնում է։

Առավել մանրամասն՝Այստեղ