Սպասվում են ուշագրավ զարգացումներ. ինչպե՞ս իրեն կդրսևորի ընդդիմությունը
Կորոնավիրուսի նոր դեպքերի նվազմանը զուգահեռ կառավարության կողմից օրերս որոշում ընդունվեց արդեն 5-րդ, սակայն թերևս վերջին անգամ ևս մեկ ամսով երկարաձգել արտակարգ դրությունը՝ մինչև սեպտեմբերի 11-ը։ Եվ ուշագրավ է, որ որոշ սահմանափակումներ հանվում կամ մեղմացվում են։
Մասնավորապես, այսուհետև կթույլատրվեն պարտադիր դիմակներով ու սոցիալական հեռավորության պահպանման պայմանով հավաքներ, ցույցեր ու գործադուլներ անցկացնել, որոնք արգելված էին անցած ամիսների ընթացքում։ Ըստ էության սահմանափակումների թուլացումը և քիչ-քիչ անցումը բնականոն կյանքին ենթադրում են, որ սեպտեմբերին քաղաքական թեժ զարգացումներ, այդ թվում` նաև հանրահավաքներ և ցույցեր են սպասվում։
Իհարկե, միշտ էլ կիրառվել է «թեժ աշուն» արտահայտությունը, սակայն այս տարի այդ տերմինը փոքր-ինչ յուրօրինակ իմաստ կարող է ստանալ, քանզի գործող իշխանություններից այս ընթացքում դժգոհությունները խորացել են ահռելի ծավալներով, իսկ անցած ամիսներին բացասական էներգիան գնալով կուտակվել է:
Տրամաբանական է, որ սպասվող քաղաքական գործընթացներում իր ուրույն տեղն է ունենալու ընդդիմությունը։ Իսկ ընդդիմադիր դաշտում ուժեղ դիրքերում են ԲՀԿ-ն, «Հայրենիք» և «Մեկ Հայաստան» կուսակցությունները, որոնք հնարավորություն ունեն լինել ընդդիմադիր դաշտում և ընդհանրապես քաղաքական դաշտում տեղի ունեցող գործընթացների առանցքում։
Մասնավորաբար, ուշադրութուն է գրավում այն հանգամանքը, որ գնալով քաղաքական դաշտում «Մեկ Հայաստան» կուսակցությունը մեծացնում է իր դերակատարությունը և փորձում է ավելի ակտիվորեն ներգրավվել հասարակական-քաղաքական կյանքին։
Եվ ընդհանրապես, աշնանը ավելի հստակ կարող է ուրվագծվել, թե հատկապես որ ճանապարհով են գնալու ընդդիմադիր ուժերը՝ դեռևս առանձին-առանձին, թե միասնական պայքարի: Բայց այն, որ հանրության սպասումները իշխանություններից չեն արդարացել, դժգոհությունները մեծացել են, հիասթափությունն անսահման է, այլևս անկասկած է: իսկ դա նշանակում է, որ մենք ականատես ենք դառնալու ուշագրավ զարգացումների:
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Անհոգության պատրանք՝ լուրջ մարտահրավերների ֆոնին. երկրին նոր սպառնալիքներ են սպասվում. «Փաստ»
Երևանյան մայրամուտ և դասական հնչյուններ. IDBank-ը՝ Khachaturian Rooftop-ի համերգաշրջանի գլխավոր գործ...
Ու դեռ հավատացողներ կան... «Փաստ»
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
«Ստարտը տրված է». Կոշտ քննադատություն իշխանություններին՝ «անզորության թփրտոցը սկսված է». Հրայր Կամեն...