Քրիստինե Պեպելյան. Ընկերներիցս մի քանիսն ինձ չծափահարեցին, դա ակնհայտ բոյկոտ էր
Երբ ես տարվա լավագույն երգչուհի ճանաչվեցի, ինձ ակնհայտորեն չծափահարեցին իմ ընկերներից մի քանիսը։ Այս մասին Aysor.am-ի «Պրոֆիլ» հաղորդման շրջանակներում, անդրադառնալով հարցին՝ իր կյանքում եղե՞լ են դեպքեր, որոնք մեծ հետք են թողել, ասել է երգչուհի Քրիստինե Պեպելյանը։
Առավել մանրամասն՝Այստեղ
«Իմ կյանքում կան էպիզոդներ, որոնք շատ տպավորել են ինձ. Ազգային երաժշտական մրցանակաբաշխություններից մեկի ժամանակ, երբ ես տարվա լավագույն երգչուհին էի, ինձ ակնհայտորեն չծափահարեցին իմ ընկերներից մի քանիսը, դա ակնհայտ բոյկոտ էր իմ նկատմամբ, ու ես շատ էի ազդվել դրանից, որովհետև նրանք ինձ համար շատ թանկ ու սիրելի մարդիկ էին։ Կար, օրինակ, մարդ, ով ծամոն էր ծամում՝ դա անելով շատ ակնհայտորեն, երբ հայտարարվեց իմ անունը՝ այդ ձևով ցույց տալով իր արհամարհանքը։ Ինձ վրա դա մեծ տպավորություն էր թողել, ես շատ էի ազդվել դրանից, չէի մտածում, որ իմ ընկերները կարող են այդ ձևով՝ չծափահարելով բոյկոտել։ Նրանց մեջ կային մարդիկ, ովքեր ևս ներկայացված էին այդ անվանակարգում և կային մարդիկ, ովքեր որպես հանդիսատես էին։ Եղան մարդիկ նաև, ովքեր ուղղակի դուրս եկան դահլիճից։ Եվ ամենավատն այն էր, որ ես այդ ամենը բեմից տեսնում էի, կուզեի չտեսնել։ Չասեմ, որ ինձ համար ցավալի էր, բայց շատ տխուր էր», - պատմել է երգչուհին։
Հարցին՝ ներե՞լ է այդ ընկերներին, Քրիստինե Պեպելյանը պատասխանել է՝ իհարկե, ներել է, քանի որ կարծում է, որ այլ տարբերակ չէր էլ կարող լինել, հատկապես այն դեպքում, երբ դրանք այնպիսի մարդիկ են, որոնց հետ ընկերություն է անում և աշխատում է։
Խոսելով մրցանակների մասին՝ երգչուհին նշել է, որ ի տարբերություն շատերի, իր համար դրանք կարևոր նշանակություն ունեն, կենսագրության կարևոր մասն են և ինքը մեծագույն խնամքով է վերաբերվում իր մրցանակներին։
Նյութի աղբյուր՝ Aysor.am
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը