Ովքե՞ր սեպտեմբերին կհամալրեն գործազուրկների բանակը

Ապրիլ ամսին Նիկոլ Փաշինյանը հայտարարեց, որ Հայաստանում՝ պայմանավորված համավարակի տարածմամբ և դրա հետևանքներով, փակվել է ավելի քան 70 հազար աշխատատեղ: Այնուհետև նույն Փաշինյանը հայտարարեց, որ դրանցից 50 հազարը վերականգնվել է: Այսօր արդեն վարչապետը հպարտորեն հայտարարում է, որ հունիս-հուլիս ամիսների տվյալներով մենք ունենք 2700 բացված նոր աշխատատեղ: Անգամ, եթե Փաշինյանի ներկայացված տվյալները նկարչության արդյունք չեն, ինչին ի դեպ նրա գրառման տակ քննադատական մեկնաբանություններ թողնող գործազուրկները այդքան էլ չեն հավատում՝ ապա ակնհայտ է, որ ապրիլին աշխատատեղերը ավելի շատ են եղել, քան այսօր: Թերևս դա է պատճառը , որ վարչապետը հերթական անգամ դիմում է մանիպուլյացիայի՝ հուլիս ամսվա տվյալները համեմատելով նախորդ տարվա նույն ժամանակահատվածի տվյալների հետ:

Հասկանալի է, որ նախորդ տարի այս ժամանակահատվածում երկիրը դեռ չէր բախվել սոցիալ-տնտեսական լրջագույն խնդիրների և գործազրկության հոծ բանակ չուներ: Հասկանալի չէ, թե որքան են իշխանությունները շարունակելու իրենք իրենց և հանրությանը խաբելու այս փորձերը:

Գործազուրկների թիվը աճելու է: Դիցուք՝ Գազպրոմում պատրաստվում են զանգվածային՝ հազարների հասնող կրճատումների, սահմանամերձ ԲԿ-ը փակվում են իսկ բժիշկները մնում անգործ, սեպտեմբերից Կարգին Քաղաքապետի տքնաջան աշխատանքի շնորհիվ զգալիորեն կրճատվելու է գիծ դուրս եկող գազելների թիվը, իսկ դա նշանակում է, որ հարյուվոր վարորդներ ովքեր ընտանիք են պահում ՝ մնալու են անգործ, նրանք են միանալու նաև զբոսաշրջության ոլորտի աշխատողները, ովքեր թերևս ամենա շատն են տուժել համավարակից, տաքսիների լիցենզավորման նոր կարգի պատճառով էլ հարյուրավոր տաքսու վարորդներ կարող են մնալ առանց աշխատանքի: Այս իրականությունն է, որից փախչում են իշխանությունները և շարունակում խոսել տնտեսական հեղափոխության ձեռքբերումների մասին, շարունակում սելֆիներ անել փռած ասֆալտի ամեն նոր 100 մետրի վրա, մինչդեռ փռած ասֆալտով հպարտ քաղաքացիները միանշանակ չեն կշտանա…

Իմանալ ավելին․․․