Շամիրամ. Ռուբեն Սևակի դուստրը
1915 թվականի Եղեռնի զոհերից էր նաև երիտասարդ գրող, հրապարակախոս, բժիշկ Ռուբեն Սևակը:
Պարզվում է, որ նրա կինը՝ Յաննի Ապելը, որի հետ Սևակը ծանոթացել է Լոզանի համալսարանի բժշկական ֆակուլտետում ուսանելու տարիներին, երկար ժամանակ թաքցրել է երեխաներից՝ Շամիրամից և Լևոնից Հայոց մեծ եղեռնի զոհ դարձած նրանց հոր՝ Ռուբեն Սևակի մահվան պատճառը:
Միայն տարիներ անց է Շամիրամ Չիլինկիրեանը պարզում իրական եղելությունը հոր մահվան հետ կապված: Մայրը նրանց հայտնել էր միայն, որ Սևակը հայտնի բանաստեղծ է եղել, իսկ նրա մահվան պատճառները չի մանրամասնել՝ փորձելով խնայել երեխաներին և նրանց մեջ չսերմանել զոհի և որբի հոգեբանությունը:
Փախուստ…
Սևակի կնոջը երկու երեխաների հետ հաջողվել է փախչել Շվեյցարիա՝ Գերմանիայի դեսպանի օգնությամբ: Շամիրամն այդ ժամանակ մեկ տարեկան է եղել, իսկ Լևոնը՝ երեք: Ցավալի է, որ Շամիրամը երբեք չի տեսել հորը. երբ ծնվել է, հայրն արդեն ձերբակալված է եղել:
Յաննին մեղադրում է իր հայրենակիցներին ցեղասպանության ժամանակ Թուրքիային հանցակից լինելու գործում: Հրաժարվում է Գերմանիայի քաղաքացիությունից և 1918 թվականին ստանում է նորանկախ Հայաստանի Հանրապետության քաղաքացիություն։ Երեխաների հետ երբեք գերմաներեն չի խոսում և այլևս չի այցելում Գերմանիա:
Հատկանշական է, որ Շամիրամ Սևակն իր ամբողջ կյանքի ընթացքում Գերմանիայում չի եղել, չնայած որ կիսով չափ գերմանուհի է:
Փրկարար Փարիզը…
Յաննի Ապելը բնակություն է հաստատում Փարիզում: Ֆրանսիայում ապրելու տարիներին ընտանիքը մի օր տեղեկանում է, որ տեղի հայկական եկեղեցի է այցելելու Կոմիտասը: Յաննին երեխաների հետ գնում է Վարդապետի հետ հանդիպման և ներկայացնելով երեխաներին՝ ասում է.
«Ռունեն Սևակի զավակներն են…»:
Յաննի Ապելը Շամիրամի և Լևոնի հետ
Իրականությունն իմանալուց հետո Շամիրամը սկսում է ակտիվ գործունեություն ծավալել Հայոց ցեղասպանության ճանաչման պայքարում: Նա մի քանի անգամ այցելում է Հայաստան: Ներկա է գտնվում Ռուբեն Սևակի անվան դպրոցում բանաստեղծի կիսանդրու բացմանը:
Իսկ Էջմիածնում 2013 թվականին բացվում է նաև Ռուբեն Սևակի կյանքին ու գործունեությանը նվիրված թանգարան, որի ծախսերը հոգում է նրա զարմիկ Հովհաննեսը։
Հատկանշական է, որ Շամիրամը իր կյանքի ամենամեծ ճշմարտությունը պարզել է միայն 76 տարեկանում, բայց դա նրան չի խոչընդոտել, որ ամբողջ թափով նվիրվի հոր և Եղեռնի զոհերի հիշատակի պահպանմանը:
Շամիրամ Սևակ
Շամիրամ Սևակը կյանքից հեռացավ 2016 թվականի հոկտեմբերի 18-ին, 102 տարեկանում, Նիցում:
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Անհոգության պատրանք՝ լուրջ մարտահրավերների ֆոնին. երկրին նոր սպառնալիքներ են սպասվում. «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Երևանյան մայրամուտ և դասական հնչյուններ. IDBank-ը՝ Khachaturian Rooftop-ի համերգաշրջանի գլխավոր գործ...
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
Ինչո՞ւ է ՀԷՑ-ի ավտոպատասխանիչը «նավսյակի» մշտապես վթարային անջատման մասին տեղեկացնում. «Փաստ»
«Ստարտը տրված է». Կոշտ քննադատություն իշխանություններին՝ «անզորության թփրտոցը սկսված է». Հրայր Կամեն...