«Օրենքով գող» Լոտ Գուլիի ժառանգին զրկել են գողական տիտղոսից
«Օրենքով գող» Նամիկ Սալիֆովը (Բաքու), որը գլխավորում էր իր մահացած եղբոր, Ադրբեջանի գլխավոր քրեական հեղինակություն Նադիր Սալիֆովի (Գուլի) հանցավոր կայսրությունը, զրկվել է գողի տիտղոսից, իր Telegram-ալիքում հայտնում է Daily Storm-ը:
Նամիկ Սալիֆովին գողական տիտղոսից զրկելու մասին որոշումը կայացրել են 20 հայտնի քրեական հեղինակությունները, որոնց գլխավորում է Ռուսաստանի հանցավոր աշխարհի առաջնորդ, «օրենքով գող» Զախար Քալաշովը (Շաքրո Մոլոդոյ): Համապատասխան «քսիվը» (գողական հաղորդագրություն) նրանք հասցեագրել են ողջ քրեական աշխարհին:
Այն մասին, որ 44-ամյա Նամիկ Սալիֆովը դարձել է իր 47-ամյա մահացած եղբոր ժառանգը, հաղորդվել էր օգոստոսի 26-ին: Այդ ժամանակ Սալիֆով-կրտսերն արդեն հասցրել էր ստանձնել Նադիրի գործերը՝ բանջարեղենի շուկաների վաճառականները պարտավորվել էին նրան տուրք վճարել:
Մահացած Նադիր Սալիֆովը վերահսկում էր Ռուսաստանի բանջարեղենի շուկաների մեծ մասը եւ դոլարային միլիարդատեր էր դարձել: Սալիֆովին առաջինը տուրք սկսել են մատուցել Սվերդլովսկի շրջանի առեւտրականները, ապա նա վերահսկողության տակ է վերցրել նաեւ Սիբիրի եւ Ռուսաստանի հարավի շուկաները:
Ինչպես հիշեցնում է Lenta-ն, Նադիր Սալիֆովի սպանության համար պատվիրատուները մի քանի միլիոն դոլար են խոստացել: Տեղեկացված աղբյուրի համաձայն՝ այս գումարը տրվել է հեղինակության պահակախմբի անդամին՝ 25-ամյա Խագան Զեյնալովին (Խան Ախմեդլինսկի): Նա նաեւ նշել է, որ Գուլիի վրա արձակված փամփուշտների քանակը նույնպես խորհրդանշական է՝ չորս փամփուշտ նշանակում է չորս տարի է անցել Ռովշան Ջանիեւի (Լենքորանսկի) մահից, որի սպանության պատվիրատուն, շատերի կարծիքով, Ադրբեջանի գլխավոր գողն էր:
2016-ի օգոստոսի 18-ին Լենքորանսկիին գնդակահարել էին Ստամբուլում: 2020 թվականի օգոստոսի 19-ին գնդակահարեցին իրեն՝ Գուլիին: Հաղորդվում է, որ սպանության պահին Գուլին մեջքով դեպի դուռը նստած թուղթ խաղալիս է եղել: Սենյակում, բացի հեղինակությունից, եղել են եւս երկուսը, այդ թվում՝ նրա պահակը: Ներս մտնող Զեյնալովի վրա ոչ ոք ուշադրություն չի դարձրել, քանի որ նա վաղուց էր ներթափանցել Գուլիի շրջապատ եւ շահել հեղինակության վստահությունը: «Օրենքով գողը» մահացել է ծոծրակին եւ մեջքին կրակոցներից։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Հրապարակ»․ Նիկոլ Փաշինյանը մտադիր է Գագիկ Ծառուկյանին սնանկացնել
Արմեն Գրիգորյանը կմեկնի Լեհաստան՝ մասնակցելու Ուկրաինայի վերականգնման համաժողովին
«Հրապարակ»․ Ավինյանի բախտը բերեց. ՔՊ–ում վստահ էին, որ ընտրություններից հետո նրան փոխելու են. ինչու ...
«Տելեկոմ Արմենիա»-«Ազերտելեկոմ» համաձայնագիր․ տեխնիկակա՞ն լուր, թե՞ ավելի լայն ենթակառուցվածքային գո...
Գրանցվել է 829 դեպք, որից 258-ը՝ արտակարգ. Փրկարար ծառայությունն ամփոփել է անցած շաբաթը
Դալարիկի մոտակայքում վառելիք տեղափոխող բեռնատարը բախվել է գնացքին, ինչի հետևանքով հրդեհ է բռնկվել. կ...
«Իրավունք». Նիկոլ Փաշինյանի հետ հանդիպումը վերածվել է կոշտ առճակատման
Հենց որ մենք բшխվենք ազգային անվտանգnւթյան uպառնալիքի, մենք պшտերազմ կսկսենք Հնդկաստանի հետ. Պակիստա...