Հիմա էլ ասում են, որ 3 միլիարդ դոլար են տվել Սյունիքի համար. մարզի մուտքի մոտ լարված իրավիճակ է

Սյունիքի մուտքին իրավիճակը շարունակում է լարված մնալ: Այստեղ են հավաքվել մի խումբ քաղաքացիներ, ինչպես նաև, տարբեր տեղեկություններով, Երևանից այստեղ բերված մոտ 2000 ոստիկան: Քաղաքացիները այստեղ են Նիկոլ Փաշինյանին մուտքն արգելելու համար, իսկ ոստիկանները՝ արգելելու քաղաքացիներին արգելել Նիկոլ Փաշինյանի մուտքը:

Այստեղ ներկա քաղաքացիներից մեկը հայտարարեց, որ Պաշտպանության նախարարն իրավունք չունի զինվորական կոչում ունենալ. «Ապուշ-ապուշ խոսելուց առաջ, թող մի հատ գա տանեմ, ցույց տամ, թե ինչքան վտանգավոր հատված կա Գորիսից մինչև Ղափան: Ասում են, թե ռուսները կանգնած են: Եկեք տանեմ ցույց տամ, որ «Տաթև» ՀԷԿ-ն ուղիղ նշանառության տակ է:

Եթե վաղը պատերազմ լինի, խփեն ՀԷԿ-ը վարի տան, ո՞վ է պատասխան տալու: Անվտա՞նգ է, շուն շանորդի, քեզ գեներալի կոչում տվողն է մեղավոր: Ամեն ինչն ասում եմ, արի պատասխան տուր, անասուն գյադա:

Ես Նորայր Ասրյան եմ՝ Հեթանոս Նորոն, արի ապացուցեմ, որ վաղն այս ճանապարհով որևէ մեկը չի կարողանալու անվտանգ անցնել, ո՞նց ես պաշտպանելու: Թուրքին բերեցիք մտցրեցիք Ղափան: Մինչև ձեր գալը թուրքը 86 կմ էր հեռու, հիմա՝ ընդամենը՝ 8 կմ»:

«Վերջերս խոսակցություն էր գնում, չգիտեմ, թե ինչքանով է ճիշտ, որ 5 միլիարդ դոլարով ծախեց Արցախը, հիմա էլ ասում են, որ 3 միլիարդ դոլար Սյունիքի համար է եղել: Կարող ա կասկածեին, որ բամբասանք ա, բայց հիմա ինչ տեսնում ենք… Թուրք Նիկոլն ու Ռեստորան Վաղոն ամեն ինչ անում են, որ պատերազմի դեպքում մենք չկարողանանք դիմադրել թուրքին»,-հայտարարեց նա: