ՌԴ քաղաքացիություն տրամադրելու մասին
«Իրավունք» թերթը նոյեմբերի 17-ին գրել էր, որ Ռուսաստանի Դաշնության նախագահ Վլադիմիր Պուտինը ստորագրել է օրենք, ըստ որի՝ հնարավոր է ստանալ Ռուսաստանի քաղաքացիություն՝ պահպանելով հայկական անձնագիրը։
«Ռուսաստանի Դաշնության նախագահ Վլադիմիր Պուտինը նոր ու շատ կարևոր օրենք է ստորագրել՝ պարզեցնելով Ռուսաստանի քաղաքացիություն ստանալու կարգը: Համապատասխան փաստաթուղթը ներկայացվել է իրավական տեղեկատվության պաշտոնական համացանցային հարթակում»,- գրել էր թերթը։
Իրականում, սակայն, Վլադիմիր Պուտինը Հայաստանի քաղաքացիների վերաբերյալ այդպիսի օրենք չի ստորագրել։ Եվ թերթի նշած իրավական հարթակում այս մասին որևէ տեղեկություն չկա։
«Իրավունքի» հոդվածը, ամենայն հավանականությամբ, այս տարվա ապրիլի 24-ին Պուտինի ստորագրած օրենքի փոփոխության մասին է, որը հնարավորություն է տալիս հետխորհրդային մի շարք երկրների՝ Մոլդովայի, Ուկրաինայի, Բելառուսի և Ղազախստանի քաղաքացիներին առավել պարզեցված ընթացակարգով ստանալ ՌԴ քաղաքացիություն։ Սակայն այս օրենքը չի տարածվում Հայաստանի քաղաքացիների վրա։
Ի դեպ, «Իրավունքի» հոդվածը Rusarminfo լրատվական գործակալության ապրիլյան հոդվածի գրեթե բառացի թարգմանությունն է։
Այսպիսով, փաստենք, որ նոյեմբերի 17-ով թվագրված հոդվածը ոչ միայն ունի մի քանի ամսվա վաղեմություն, այլև որևէ կերպ չի վերաբերում Հայաստանի քաղաքացիներին։
Ավելին՝ այստեղ
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Ֆինանսական նոր հմտություններ Դավիթբեկյան խաղերում․ Idram&IDBank
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
ՍՏՈՊ ավելորդ բաժանորդագրություններին․ Visa Stop Payment-ը Converse Mobile-ում
Ավետիք Չալաբյանին զրկել են նաև ընտանիքին տեսնելու իրավունքից․ Մենուա Սողոմոնյան