Կապանում պարկերով պահվող զինծառայողների մարմինները տեղափոխվել են համապատասխան դիահերձարաններ
Կապանի դիահերձարանում ամիսներ շարունակ անուշադրության մատնված և անմխիթար պայմաններում պահվող հայ զինծառայողների դիերը տեղափոխվել են նորմալ պայմաններին բավարարող դատաբժշկական փորձաքննության կենտրոններ։
Ամանորի տոնական օրերին՝հունվարի 1-ին, անհետ կորած զինծառայողի հարազատ Արսեն Ղուկասյանը ահազանգել էր Կապանի դիահերձարանում տիրող վիճակի մասին՝ նշելով, որ զինվորների մարմինները փտում են այնտեղ։
«Թշնամուն հանձնված տարածքներից դուրս բերված հայ զինվորների մարմինները տարել են Կապանի մորգ, պարկերով տեղավորել երկրորդ հարկի ինչ-որ սենյակում և բացել պատուհանները: Տարածքում անտանելի հոտ է տիրում, որ շենքին մոտենալ չի լինում», - ասել է Ա.Ղուկասյանը եւ դիմելով ՀՀ իշխանություններին ավելացրել. «Այդ հարցի պատասխանատո՞ւն էլ են թուրքերը, չեք կարողանո՞ւմ հետները լեզու գտնել, թե՞ դա էլ է ռուսի թեման… դուք նույնիսկ զոհերի մարմինները չեք հարգում, գոնե մի հատ ռեֆռեժեռատոր ուղակեք, որ այդ մարմինները չփտեն, մի հատ էլ խոլերա բերեք գլխներիս, ով է նման բան անում»։
Անհետ կորած զինվորի հարազատի այս աղմկոտ հայտարարությունից հետո միայն իշխանությունները սկսել են տեղից շարժվել ու դիակները Կապանի դիահերձարանից վերջապես տեղափոխվել են։
«Այս պահին Կապանում զինծառայողի դի չկա, բոլորը տեղափոխվել են համապատասխան դիահերձարաններ»,- «Փաստինֆո»-ի հետ զրույցում ասաց ԱՆ խոսնակ Ալինա Նիկողոսյանը։
Արցախյան վերջին պատերազմից հետո անհետ կորած եղբորն ու եղբորորդուն փնտրող Արսեն Ղուկասյանն էլ տեղեկացրեց՝ իրեն հայտնել են, որ հարցը երկու օրում կկարգավորվի, այդպես էլ եղել է։
«Ես գլխավոր դատաբժշկի հետ կապ եմ հաստատել, ևս մեկ անգամ խնդիրը բարձրաձայնել, հարցրել եմ՝ ինչո՞ւ է այդ վիճակը, վերջինս պատասխանեց, որ հարցը արագ կլուծեն։ Հետո իմացա, որ ամբողջ մարմինները Կապանի մորգից դուրս են բերել»,- ասաց Ղուկասյանը։
Ասել է թե՝ իրավասու մարմինները սպասում են մինչեւ դանակը կոկորդը հասնի՝ հետո միայն կոնկրետ քայլեր ձեռնարկում։
Ամիսներ շարունակ դիակները անմխիթար վիճակում մնացել են Կապանում ու սա այն դեպքում, երբ այստեղ ծնողներն իրենց զավակների մարմիններն էին փնտրում։
Կրեմլում վերջնական որոշման են հանգել, որ Փաշինյանի հետ հնարավոր չէ շարունակել հարաբերությունները
«Սպասիր, Մոսկվա թռնեմ, գամ, նոր կխոսամ». Փաշինյանը «բողոքի նոտա է» է հղել ՔԿ ղեկավարին. «Իրավունք»
Արամ Սարգսյանի «մուրազը» կմնա փորում. «Հրապարակ»
Երկվորյակների պապը հայտնի գործիչ է եղել․ «Հրապարակ»
Դավիթի վիճակը նույնն է, միացված է թթվածնին, հետազոտություններ են անում. փաստաբան
Կալանավորված 18-ամյա Դավիթ մայրը դիմել է ՀՀ ԿԳՄՍ նախարարին, խնդրել տալ երաշխավորություն․ փաստաբան
Անահիտ Ավանեսյանը զարմացրել է կուսակիցներին․ «Հրապարակ»
Դոլարն էժանացել է, ռուբլին՝ թանկացել․ փոխարժեքն՝ այսօր
Մոտ 30 ՔՊ-ականներ Նիկոլ Փաշինյանին վարչապետի պաշտոնում չեն տեսնում. թվեր. «Ժողովուրդ»
60,000 դոլար պարգևատրում․ հատուկ նշանակության ջոկատ է ուղարկվել Իրան՝ ամերիկացի 2-րդ օդաչուին փրկելո...