Սեյսմոլոգիական ցանցը չի բացառում, որ կլինեն նոր ավելի ուժգին ցնցումներ/ բնակչությանը կոչ են անում լինել մաքսիմալ զգոն

Սույն թվականի փետրվարի 6-ին` տեղական ժամանակով ժամը 00:06-ին, ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է Շորժա գյուղից 5 կմ հյուսիս-արևելք, օջախի 10 կմ խորությամբ, 3.7 մագնիտուդով երկրաշարժ: Այս մասին տեղեկացրին ՀՀ ԱԻՆ-ից։

Էպիկենտրոնային գոտում ստորգետնյա ցնցման ուժգնությունը կազմել է 5 բալ:

Երկրաշարժը զգացվել է` Գեղարքունիքի և Տավուշի մարզերում 4-5 բալ ուժգնությամբ: Տեղի ղեկավարությունը հայտնում է, որ ավերածություններ եղել են բայց ոչ մեծ քանակի, զոհեր և վիրավորների մասին տեղեկութուն չկա։

Հիշեցնենք, որ սույն թվականի փետրվարի 5-ին՝ տեղական ժամանակով ժամը 19:36-ին Շորժա գյուղից 5 կմ հյուսիս-արևելք, օջախի 10 կմ խորությամբ, 4.7 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:

Երկրաշարժը զգացվել է Գեղարքունիքի մարզում՝ 5-6 բալ ուժգնությամբ, Կոտայքի, Տավուշի, Լոռու և Արարատի մարզերի բազմաթիվ բնակավայրերում՝ 4-6 բալ ուժգնությամբ, Երևան քաղաքում՝ 3-4 բալ ուժգնությամբ:

Սեյսմիկ պաշտպանության տարածքային ծառայության սեյսմոլոգիական ցանցը չի բացառում, որ կլինեն նոր ավելի ուժգին ցնցումներ, այդ իսկ պատճառով բնակչությանը կոչ են անում լինել մաքսիմալ զգոն։

Ավելին՝ այստեղ