Պետական տուրքը նախկին 1500 դրամի փոխարեն՝ կդառնա 6000 դրամ. ԱԺ հանձնաժողովն ընդունեց նախագիծը
ԱԺ Պետաիրավական հարցերի մշտական հանձնաժողովի այսօրվա նիստում քննարկվել է Կառավարության ներկայացրած «Պետական տուրքի մասին» ՀՀ օրենքում փոփոխություններ և լրացումներ կատարելու մասին օրենքի նախագիծը։
Ներկայացնելով նախագիծը, Արդարադատության փոխնախարար Վահե Դանիելյանն ասաց, որ «Պետական տուրքի» մասին օրենքը 1990 թվականից ի վեր դատարան ներկայացվող դատական ակտերի դեմ վերաքննիչ, վճռաբեկ բողոքների դեպքում պետական տուրքերի փոփոխություն չի արվել։ Մինչդեռ Համաշխարհային բանկի տվյալներով՝ Հայաստանում սոցիալ-տնտեսական ցուցանիշները մի քանի անգամ ավելացել են, մասնավորապես՝ մեկ շնչին ընկնող ՀՆԱ-ն, 2000 թվականի համեմատ, 2015-20 թվականներին 3,4 անգամ ավելացել է։
«Միջին աշխատավարձն աճել է 8 անգամ՝ 22 հազարից-182 հազար, մինչդեռ պետական տուրքը չի աճել։ Ընդ որում, 2018-2020 թվականների ծախսերը, թե որքան ծախս ենք արել մենք դատական համակարգի վրա կամ պետական տուրք է հավաքվել, դրա տարբերությունը 4-5 անգամ է կազմում»,- ասաց Վ. Դանիելյանը։
Նա միաժամանակ նշեց, որ «Պետական տուրքի մասին» ՀՀ օրենքում փոփոխություններ կատարելուց հետո, պետական կամ տեղական ինքնակառավարման մարմնի բյուջեում եկամուտների և ծախսերի էական ավելացում կամ նվազեցում չի նախատեսվում:
«Մեր երկրում սահմանել ենք առավելագույնը 25 մլն դրամ Առաջին ատյանում, սահմանել ենք առավելագույն չափ Վերաքննիչ դատարանում՝ համապատասխանաբար՝ 15 մլն և 10 մլն դրամ։ Ներկայումս ՀՀ-ում պետական տուրքի սահմանում կա սնանկության հարցով իրավաբանական անձանց և քաղաքացիների դեպքում՝ 500 և 100 հազարական դրամ, մենք առաջարկում ենք այն դարձնել 1 մլն դրամ և համապատասխանաբար՝ 250 հազար դրամ։ Խնդիրն այն է, որ 500 հազար դրամը՝ կախված հայցադիմումի պահանջից, հնարավոր է՝ ավելի քիչ է կազմում, քան, երբ անձը դիմի Առաջին ատյանի դատարան և ավելի շատ տուրք կվճարի»,- հավելեց փոխնախարարը։
Նա նաև տեղեկացրեց, որ հարկադիր կատարողների գործողությունները բողոքարկելու վերաբերյալ դիմումների մասով սահմանում են պետական տուրք, քանի որ քաղաքացիները հնարավորություն են ստանում մի շարք դեպքերում չարաշահելու այդ գործիքը։
«Վճարումների կարգադրություններ արձակելու դիմումների համար ենք պետական տուրք սահմանել։ Իհարկե, նախկինում պետական տուրք սահմանված չի եղել, կարծում եմ՝ նպատակն այն է եղել, որ վճարման կարգադրությունը որպես ինստիտուտ կայանա, սահմանվել էր 1500 դրամ, այժմ դառնում է 6000 դրամ»,- ընդգծեց նա։
Օրենքի նախագծին հանձնաժողովը դրական եզրակացություն տվեց։
Աղբյուրը՝ 168.am
Ավելին՝ այստեղ
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է