Խաչիկ Ասրյան. Ոչնչացված տնտեսություն, պարտված բանակ, հուսալքված և մասնատված ժողովուրդ, միջազգային զրո վարկանիշ, ահա՛ նիկոլյան հետպատերազմյան Հայաստանը

Ինչ պետք է անենք համայն հայությամբ.

Անկոտրո՛ւմ Հայ ազգ
Ամերիկայի, Թուրքիայի և Ադրբեջանի շահերը սպասարկող, Հայաստանի վարչապետի պաշտոնը զբաղեցնող հողատու Փաշինյան Նիկոլը Հայաստանն ամենօրյա ռեժիմով, ծրագրավորած տանում է դեպի կործանման:
Հայաստանի անվտանգության համակարգի ամրապնդման, տնտեսության զարգացման և ազգային ինքնության պահպանման փոխարեն՝ ազգային չարիք դարձած Փաշինյան Նիկոլը և իր ազգադավ լակոտակրատիան լծված են բացառապես իրենց մահացող իշխանությունը պահպանելու գործին՝ շարժվելով ինքնապահպանման ամենաստոր բնազդներով:
Երևան քաղաքի փողոցները զբաղեցրած կուսակցություններն էլ, չունենալով համազգային աջակցություն և անկարող լինելով Հայաստանում իրականացնել իշխանափոխություն, հանրային և քաղաքական կյանքը մտցրել են փակուղի, որն էլ ավելի է արագացնում մեր Ազգային և Պետական օրգանիզմի քայքայումը։
Ինչպես բազմիցս ենք հայտարարել՝ Հայաստանում ստեղծված կործանվող վիճակից դուրս գալու միակ իրավական և լեգիտիմ ճանապարհն Ազգային Ժողովի արտահերթ ընտրությունների շուտափույթ կազմակերպումն է, որին, ի դեպ, դեմ են ինչպես Հայաստանի ամերիկահպատակ իշխանությունը, այնպես էլ Երևանի փողոցները զբաղեցնող կուսակցությունները:
Թեև Հայաստանի իշխանությունը անընդհատ հայտարարում է Ազգային Ժողովի արտահերթ ընտրությունների անցկացման ցանկության մասին, բայց դա անում է ընդամենն իր իրական նպատակները և վախերը քողարկելու համար: Փաշինյան Նիկոլը շատ լավ գիտի, որ այսուհետ Հայաստանում տեղի ունենալիք ցանկացած ընտրություն արձանագրելու է իր և իր թիմի թշվառ գոյության վախճանը: Հայաստանի խորհրդարանական ընդդիմությունը և Երևանի փողոցները զբաղեցնող կուսակցությունները ևս դեմ են Փաշինյան Նիկոլի իշխանության ժամանակ արտահերթ ընտրությունների անցկացմանը, քանի որ Ազգային Ժողովի ընդդիմությունը հստակ հասկանում է, որ նոր ընտրությունների արդյունքում խորհրդարանում չի ունենալու այնպիսի ներկայություն, ինչպիսին ունի հիմա, իսկ Երևանի փողոցները զբաղեցնող կուսակցությունների այսօրվա անմխիթար վիճակը Ազգային Ժողովի արտահերթ ընտրությունների միջոցով չի փոխվի։
Ինչ պետք է անենք համայն հայությամբ.
Առաջիկա ամիսների ընթացքում (2021 թվականին) Հայաստանի իշխանությունից պարտադիր պետք է հեռացնենք Փաշինյան Նիկոլին (կամ Հանրապետության հրապարակում համախմբված 50.000-ից ավելի քաղաքացիների պահանջով, կամ նույն Փաշինյան Նիկոլի իշխանության ժամանակ կազմակերպվելիք Ազգային Ժողովի արտահերթ ընտրությունների արդյունքում):
Այնուհետև, կձևավորենք Ազգային-Քրիստոնյա արժեքներով առաջնորդվող բացարձակ իշխանություն, ասել է թե՝ ազնիվ-փորձառու հայրենատերների թիմ՝ նորանկախ Հայաստանի 30 տարիների ընթացքում արցախյան, ապրիլյան, 2020 թվականի սեպտեմբեր-հոկտեմբեր-նոյեմբերյան պատերազմներին անմիջական մասնակից, Հայաստանի պետական կառավարման համակարգում անբասիր և արդյունավետ աշխատանքային փորձ ունեցած, կոռուպցիոն ոչ մի գործընթացի մեջ երբեք չներգրավված, Հայրենիք, Ընտանիք, Եկեղեցի ազգային արժեքներն իր մեջ կրող, Հայաստանի արտաքին քաղաքականությունը բացառապես ռազմավարական դաշնակից Ռուսաստանի հետ համագործակցող Առաջնորդի գլխավորությամբ:
Հաջորդիվ Ձեզ եմ ներկայացնելու Հայ ժողովրդի անմիջական աջակցության և մասնակցության արդյունքում «Հայոց Արծիվներ. Միասնական Հայաստան» Ազգային-Քրիստոնյա կուսակցության՝ Հայաստանում նոր՝ ազգային-քրիստոնյա իշխանություն ձևավորելուց անմիջապես հետո իրականացվելիք (առաջիկա հինգ տարիների համար) Ռազմական և Սոցիալական Հայաստան կառուցելու Ազգային Ծրագրի գլխավոր դրույթները:

«Հայոց Արծիվներ. Միասնական Հայաստան» կուսակցության Նախագահ՝ Խաչիկ Ասրյան