Ողբերգական ավտովթար վարորդի դին հայտնաբերվել է ավտոմեքենայի տակ

iPress.am-Այսօր՝ մարտի 21-ին,  խոշոր ու ողբերգական ավտովթար է տեղի ունեցել Կոտայքի մարզում:

Ժամը  01:30-ի սահմաններում  Վրաստանի քաղաքացի, Երևան քաղաքի Քանաքեռ-Զեյթուն վարչական շրջանում հաշվառված, 34-ամյա Գրիգոր Գրիգորյանը իր վարած Opel Corsa ավտոմեքենայով Առինջ գյուղի  6-րդ փողոցի  1-ին նրբանցքի վերելքոտ ավտոճանապարհով դեպի վեր ընթանալիս, դեռևս անհայտ հանգամանքներում, ավտոմեքենան հետընթաց կատարելու ժամանակ բախվել է ճանապարհի աջակողմյան հատվածում գտնվող բետոնե պատին և գլխիվայր շրջվել: 

Վթարի հետևանքով Գ. Գրիգորյանը տեղում մահացել է, ավտոմեքենան էլ գլխիվայր շրջվել է,այս մասին հայտնում է Shamshyan.com-ը:

Փրկարարները ավտոմեքենայի տակ հայտնված դին մոտեցրել են «Աբովյան» բժշկական կենտրոնի շտապօգնության ավտոմեքենային, այնուհետև փակել գազաբալոնն ու ճանապարային ոստիկանների հետ դարձի են բերել ավտոմեքենան և այն մոտեցրել ավտոքարշակին:

Փաստի առթիվ Ս. Սեդրակյանի որոշմամբ ՀՀ քր օր-ի  242 հոդվածի 2-րդ մասի հատկանիշներով հարուցվել է քրեական գրոծ: Քննիչի հանձնարարականով ավտոմեքենան տեղափոխվել է ոստիկանության Կոտայքի բաժնի պահպանվող հատուկ տարածք:  Ֆոտոլրագրողը հայտնում է,  որ ավտոմեքենան շահագործվում էր որպես տաքսի: 

Ավելին՝ այստեղ