Պաշտոնապես հաստատվել է մեր զոհերի ընդհանուր թիվը… տեսեք ինչքան զոհեր ենք ունեցել

Արագածոտնի մարզի Նոր Եդեսիա համայնքի բնակիչների հետ հանդիպման ժամանակ ելույթի իր խոսքում ՀՀ վարչապետ Նիկոլ Փաշինյանը մեկ անգամ ևս ընդգծեց. պատերազմը չի շարունակվել այն պահին, երբ վստահ են եղել, որ այլևս իմաստ չունի, պայքարել են մինչև վերջին վայրկյանն ու դադարեցրել այն պահին, երբ անհրաժեշտություն է եղել փրկել 30.000 զինվորի կյանք: «Ես գիտակցում էի, որ այդ քայլով իմ ու իմ ընտանիքի կյանքն եմ վտանգում, բայց այդ 30.000 զինվորի կյանքնինձ համար ավելի կարևոր էր: Պատերազմից հետո թվեր էին հայտարարում սկզբից 4000, հետո 5000, հիմա էլ ասում են, թե 10.000 զոհ կա: Ամեն շաբաթ ավելացնում են: Մենք բազմաթիվ զոհեր ենք ունեցել:

Ուզում եմ ասել, որ էսօրվա դրությամբ պաշտոնապես հաստատված 3 հազար 250 զոհ ունենք: Մահվան վկայականներով հաստատված է թիվը: Ունենք 189 ծնող, ովքեր ԴՆԹ նմուշ են հանձնել և սպասում են պատասխանի: Այո, մենք ունենք անհետ կորածների բավականին մեծ ցուցակ, բայց այդ ցուցակը պետք է ճշգրտվի, որովհետև անհետ կորածների ցուցակներից վերջին ամիսներին 10 մարդ հայտնաբերվել է ամենատարբեր հանգամանքներում, նույնիսկ՝ «Զվարթնոց» օդանավակայանում Հայաստանից մեկնելու փորձի ժամանակ»,- հայտարարեց Փաշինյանը:

Ըստ վարչապետի, առանց այն էլ շատ զոհեր ենք ունեցել, և պետք չէ քաղաքական շահարկման նպատակով այդ զոհերի թիվը կրկնապատկել, եռապատկել, քառապատկել:

«Եթե ինչ-որ նոր հանգամանք չբացվի, որը քիչ հավանական է,  մեր զոհերի թիվը 4000-ից չի անցնի: Սա էլ շատ մեծ թիվ է, բայց ինչի համար են զոհվել մեր տղաները, սա շատ կարևոև հարց է, զոհվել են, որ Արցախն այսօր լինի»: