«Հայոց Արծիվներ»-ը ՆԱՏՕ-ի հետ պատերազմի դեպքում կկամավորագրվեն ռուսական բանակ
Eadaily.com-ը գրում է, որ «Հայոց Արծիվներ» կամավորական ջոկատը, որը մասնակցել է Ղարաբաղի վերջին պատերազմին, պատրաստ է «պայքարել ՆԱՏՕ-ի դեմ` որպես բարեկամ Ռուսաստանի զինված ուժերի մաս և պաշտպանել Հայաստանի միակ ռազմավարական դաշնակից Ռուսաստանի տարածքային ամբողջականությունը»: Այս մասին հայտարարել է «Հայոց Արծիվներ. Միասնական Հայաստան» համանուն կամավորական ջոկատի հրամանատար, Հայաստանի զինված ուժերի գնդապետ Խաչիկ Ասրյանը:
«Անկախ ազգերին և ինքնիշխան պետություններին ստրկացնող և ոչնչացնող միացյալ արևմուտքի հյուսիսատլանտյան ռազմաքաղաքական դաշինք հանդիսացող մարդակործան ՆԱՏՕ-ն Խորհրդային պետություններից մեկի՝ Ուկրաինայի միջոցով փորձում կամ նախապատրաստվում է հայ ազգի դարավոր բարեկամ, Հայաստանի ռազմավարական միակ դաշնակից Ռուսաստանի դեմ սկսել պատերազմական գործողություններ: Դա մատուցվում է «Ուկրաինան պաշտպանելու» սոուսի ներքո, որը փաստորեն ոչնչացվում է նույն կոլեկտիվ Արեւմուտքի կողմից»,-ասված է հայտարարության մեջ:
Այս կապակցությամբ «Հայոց Արծիվներ» կամավորական ջոկատը նախազգուշացնում է, որ ՆԱՏՕ-ի (ինչը նշանակում է Թուրքիայի), կամ Ուկրաինայի, կամ այդ երկուսի համատեղ ուժերով Ռուսաստանի դեմ ռազմական գործողություններ սկսելու դեպքում, իր գլխավորած ջոկատը, որը մասնակցել է 2020 թվականի 44-օրյա ղարաբաղա-ադրբեջանական պատերազմին գնդապետ Խաչիկ Ասրյանի ղեկավարությամբ, մասնակցելու է ռազմական գործողություններին Ռուսաստանի զինված ուժերի կազմում և պաշտպանելու է Ռուսաստանի տարածքային ամբողջականությունը, որը Արցախի և Հայաստանի անվտանգության միակ երաշխավորն է:
Ինչպես ավելի վաղ հայտնել էր EADaily- ն, «Հայոց Արծիվներ. Միասնական Հայաստան» կուսակցությունը անցյալ ամիս Ղրիմի բնակիչներին շնորհավորել էր թերակղզու Ռուսաստանին վերամիավորվելու 7-րդ տարեդարձի կապակցությամբ և մաղթել էր, որ ռազմաքաղաքական և տնտեսական համագործակցության արդյունքում Հայաստանի և Ռուսաստանի միջև հարաբերությունները կատարելագործվեն:
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Իշխանության վարած քաղաքականության արդյունքում Հայաստանը այսօր կախման մեջ է գտնվում. Ցոլակ Ակոպյան
Գարշահոտ ու հակասանիտարական վիճակ՝ Մալաթիայում
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Մեր պատգամավորները սպասում են ձեր հարցերին․ «Ուժեղ Հայաստան» կուսակցություն
Երբ ակնկալիքների ու իրականության միջև խոր անդունդ է. «Փաստ»
Արցախի հարցն ամրագրված է միջազգային իրավունքով` դեռևս ԽՍՀՄ-ի փլուզումից հետո. Աննա Կոստանյան
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին
Հարություն Հարությունյան. «Իշխանությունը ԵՄ անդամակցության հայտ ներկայացնելու մտադրություն չունի, իս...