Տիգրան Արզաքանցյանի ջանքերով կհիմնանորոգվի 9-րդ դարի Սուրբ Աստվածածին եկեղեցին. «Փաստ»
«Փաստ» օրաթերթը գրում է.
Գեղարքունիքի մարզի Ծաղկաշեն գյուղի արևմտյան մասում է գտնվում 9-10-րդ դարերի Սուրբ Աստվածածին, բնակիչներից ոմանց պնդմամբ՝ Սուրբ Հովհաննես եկեղեցին: Այն հայտնի է որպես նշանավոր ուխտավայր: Տեղի բնակիչների խոսքով՝ կառուցումից ի վեր, այն միայն մեկ անգամ է վերանորոգվել: Անզեն աչքով անգամ նկատելի է, որ եկեղեցին այժմ անմխիթար վիճակում է: Քարերը պոկվում են, ընկնում, կա վտանգ, որ որոշ ժամանակ անց այն կարող է առհասարակ փլուզվել: Այս ամենը հաշվի առնելով «Տիգրան Արզաքանցյան» բարեգործական հիմնադրամը որոշել է աջակցել եկեղեցու հիմնանորոգմանը: Երբ ներկայացված նախագիծն ամբողջությամբ վավերացվի Մայր Աթոռի կողմից, կսկսվեն եկեղեցու վերակառուցման և ռեստավրացիայի աշխատանքները: Առաջնային է եկեղեցու նախնական տեսքի պահպանումը: Այսօր եկեղեցում այս մասին փաստեցին հայտնի գործարար, բարերար Տիգրան Արզաքանցյանը, Գեղարքունյաց թեմի առաջնորդական տեղապահ, հոգեշնորհ Տեր Պարթև Վարդապետ Բարսեղյանը, «Տիգրան Արզաքանցյան» բարեգործական հիմնադրամի գործադիր տնօրեն Վարսենիկ Գրիգորյանը, ճարտարապետները:
Տիգրան Արզաքանցյանը նախ ճարտարապետից հետաքրքրվեց, թե ինչ գործողություններ են անհրաժեշտ աշխատանքները սկսելու համար, հետո արդեն իրենց հիմնադրամի անունից խոստացավ օժանդակել եկեղեցու վերակառուցմանը:
«Ամեն կերպ օժանդակելու ենք, որ 9-րդ դարի այս եկեղեցին սուղ ժամկետներում վերականգնվի: Մենք պարտավոր ենք պահպանել մեր եկեղեցիները, շունչ տալ դրանց, պահպանենք մեր հավատքը, համախմբված լինենք»,-ասաց Արզաքանցյանը:
«Տիգրան Արզաքանցյան» բարեգործական հիմնադրամի գործադիր տնօրեն Վարսենիկ Գրիգորյանն իր հերթին հավելեց, որ արդեն երկար ժամանակ է, ինչ այս եկեղեցին և դրա վերականգնումն իրենց ուշադրության կենտրոնում է:
«Վերջին փլուզումից հետո քարերը հավաքել, համարակալել և պահպանել ենք, որ կարողանանք հետագայում օգտագործենք: Մեր վարպետներին խնդրել ենք նաև փայտյա գեղեցիկ դռներ պատրաստել, եկեղեցին կունենա երկու դուռ, նշեմ, որ մեր տարածաշրջանում նման եկեղեցի չկա»,-հավելեց տիկին Գրիգորյանը:
Տեր Պարթևը նշեց, որ ողջունում է պարոն Արզաքանցյանի այս կարևոր նախաձեռնությունը:
«Հայցում ենք տիրոջ օրհնությունը Ձեր ընտանիքին, ձեր այս սրբազան նախաձեռնությանը, հուսալով, որ կարճ ժամանակ անց Ծաղկաշենի այս չքնաղ գոհարը վայելուչ կերպով կներկայանա մեր հավատացյալների առաջ»,-նշեց նա:
Լուսինե Առաքելյան
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»