Այսօր ՀՀ վաստակավոր արտիստ, սիրված դերասանուհի Նելլի Խերանյանի ծննդյան օրն է․ մանրամասներ նրա մասին

Այսօր վաստակաշատ, սիրված ու ճանաչված դերասանուհի Նելլի Խերանյանը բոլորում է ծննդյան հիսունհինգ տարին։

Նա ծնունդով Երևանից է։ Նելլի Խերանյանի հայրը շուրջ հիսուն տարի աշխատել է որպես օպերատոր Հանրայինում, իսկ մայրը մանկավարժ է եղել։ Նելլին խոստովանում է, որ մայրն իսկզբանե չի ցանկացել, որ դուստրը գնա դերասանական ուղղությամբ։

Սովորելով Թատերական ինստիտուտում՝ Նելլի Խերանյանը սկսել է աշխատել տարբեր թատրոններում՝ կերտելով բազմաթիվ հետաքրքիր ու հոգեբանական դերեր։ Նա հանդես է եկել նաև ֆիլմերում ու հեռուստասերիալներում։ Դերասանուհուն սիրում են որպես տաղանդաշատ արտիստուհի։

Նելլին իր կյանքը կապել է մեկ այլ հանրահայտ արտիստի՝ Տիգրան Ներսիսյանի հետ, իսկ նրանց ընտանիքը երեսուներեք տարեկան է։ Նելլի Խերանյանը երկու դուստրերի մայր է։ Նրա դուստրերից ավագը՝ Անին, բոլորովին վերջերս իր ծննդյան օրը՝ ապրիլի երեսունին, նշանվել է սիրելիի հետ։

Նելլի Խերանյանի մասին գործընկերները մեծ հիացմունքով են խոսում, ասում են, որ նա թերություն չունի։