ՎՏԲ-Հայաստան Բանկը տոն էր կազմակերպել իր պատանի հաճախորդների համար՝ Երեխաների պաշտպանության օրվա առիթով
ՎՏԲ-Հայաստան Բանկը շնորհավորում է փոքրիկներին Երեխաների պաշտպանության միջազգային օրվա կապակցությամբ և մաղթում անհոգ մանկություն, առողջություն և պայծառ ապագա:
Հունիսի 1-ին ՎՏԲ-Հայաստան Բանկի Գլխամասային գրասենյակը լցվեց մանկական ձայներով. Բանկը հյուրընկալեց իր պատանի հաճախորդներին՝ Visa միջազգային վճարահաշվարկային համակարգի Kids քարտի քարտապաններին, որոնցից յուրաքանչյուրը հնարավորություն ուներ իր հետ բերելու նաև իր ընկերոջը: Էքսկուրսիայի նպատակն էր՝ աճող սերնդին ծանոթացնել բանկային տեխնոլոգիաներին և բանկային որոշ պրոդուկտներին, պլաստիկ քարտերի պատրաստման գործընթացին և անձնական քարտի տվյալների գաղտնիության պահպանման կարևորությանը: Երեխաներին պատմեցին, թե ինչ քարտատեսակներ է թողարկում ՎՏԲ-Հայաստան Բանկը, որն է անկանխիկ վճարումների առավելությունը: Էքսկուրսիոն խումբը նաև հնարավորություն ունեցավ ծանոթանալու բանկոմատի աշխատանքի գործընթացին. մանուկները կարողացան տեսնել, թե ինչպիսի կառուցվածք ունի բանկոմատը ներսից, և ինչպես է տեղի ունենում կանխիկի տրամադրման գործընթացը: Երեխաները ծանոթացան նաև վճարային տերմինալների առավելություններին և անկանխիկ վճարումներ կատարելու դրանց գործառույթներին:
Էքսկուրսիան Բանկում ոչ միայն հետաքրքիր էր, այլ նաև՝ համեղ. էքսկուրսիայի ավարտին Բանկի բացօդյա ատրիումում կազմակերպվեց գեղեցիկ և համեղ հյուրասիրություն:
Հունիսի 1-ին ՎՏԲ-Հայաստան Բանկը մասնակցեց Երևանի առևտրի կենտրոններում կազմակերպված տոնական միջոցառումներին, որտեղ լայն լսարանին Բանկը ներկայացրեց Visa միջազգային վճարահաշվարկային համակարգի երիտասարդական դիզայնով բազմարժութային Teens և Kids քարտերը, որոնք մի շարք առավելություններ ունեն ինչպես երիտասարդ հաճախորդների, այնպես էլ նրանց ծնողների համար: Բանկը երեխաներին նվիրեց Visa Teens և Kids քարտեր ստանալու հավաստագրեր՝ մեկ տարի ժամկետով անվճար սպասարկման հնարավորությամբ:
Իսկ ՎՏԲ-Հայաստան Բանկի աշխատակիցների երեխաների համար Բանկը տոնական միջոցառում էր կազմակերպվել Երևանի ամենագեղեցիկ զբոսայգիներից մեկում, որտեղ աշխատակիցները հնարավորություն ունեցան իրենց երեխաների հետ ժամանակ անցկացնել մաքուր օդում և վայելել հաճելի երեկո: Բանկը երեխաներին պարգևեց ժպիտներ և դրական էմոցիաներ՝ նրանց համար կազմակերպելով հետաքրքիր խաղեր, շոու-ծրագիր, ներկայացում և, իհարկե, հյուրասիրություն:
ՎՏԲ-Հայաստան Բանկը վերահսկվում է ՀՀ ԿԲ կողմից:
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան