Նոր լիդերների հրամայականը
Խորհրդարանական արտահերթ ընտրություններն ի թիվս այլ հանգամանքների, ապացուցեցին նաև նոր առաջնորդների, բանիմաց անձանց, թարմ գաղափարների անհրաժեշտությունը։ Երեսուն տարի շարունակ Հայաստանի քաղաքացին տեսել և զգացել է քաղաքականության մեջ և այլ ոլորտներում գործունեություն ծավալողների անձնային և մասնագիտական որակները, որոշներից հասցրել հիմնավորապես զզվել, շատերի հետ էլ ընդհանրապես հույսեր չի կապում։ Այս պարագայում կարևորագույն պահանջ է դառնում տարբեր ոլորտներում իրազեկ և պատրաստված անձանց մուտքը քաղաքականություն։ Հատկապես այսօր, երբ վերարտադրված իշխանության դիրքերն ամենևին էլ ամուր չեն, իսկ մարտահրավերները սպառնում են կարճ ժամանակ անց կրկին ցնցումներ բերել երկրին։
Եթե քաղաքական դաշտում և փորձագիտական ոլորտում երիտասարդ կադրերի պակաս չի զգացվում, ապա տնտեսության, տնտեսական պլանավորման ոլորտում նման մասնագետների թիվն իսկապես աղետալի քիչ է, շատերն էլ չեն ցանկանում իրենց կարիերան փոխարինել քաղաքականությամբ։ Եզակի տնտեսագետներ են այս ընթացքում հանրությանը տեղեկացրել երկրի առջև ծառացած լուրջ մարտահրավերների մասին, ահազանգել իշխանության տնտեսական ապիկար քաղաքականության մասին։
Աուդիտորների պալատի նախագահ Նաիրի Սարգսյանն այդ եզակիներից է։ Դեռ պատերազմում կրած խայտառակ պարտությունից առաջ էլ նա մանրամասն ներկայացնում էր, թե ուր է տանում Նիկոլ Փաշինյանի իշխանության վարած տնտեսական քաղաքականությունը, նախանշում աղետից խուսափելու ուղիները, կետ առ կետ բացատրում վարչապետի, Էկոնոմիկայի նախարարի կեղծ հայտարարությունները։ Հայաստանն այսօր չափազանց կարճ ժամանակ ունի, հարկավոր է ջանքեր գործադրել նոր արհավիրքից խուսափելու համար։ Եվ անհրաժեշտ են մարդիկ, որոնք հասկանում են երկարաժամկետ պլանավորման, տնտեսությունը ուշքի բերելու մեթոդներին։ Հանրությանը քաղաքական, տնտեսական, մշակութային ոլորտների իրատեսական տեսալականներ են հարկավոր։ Յուրաքանչյուր լավ մասնագետ պետք է իր ավանդը ներդնի՝ ուժերի ներածին չափով։ Հին ընդդիմությունն էլ պիտի շարժվի ոչ թե անձնական հավակնություններով, այլ իր տեղը զիջի երիտասարդ և բանիմաց անձանց՝ այլ կերպ ասած, նաիրիսարգսյաններին, որոնք նոր գաղափարներով և բարձր պատրաստվածությամբ այլընտրանք կդառնան Փաշինյանի ու փաշինյանականների համար։
Հայկ Կարապետյան
Գարշահոտ ու հակասանիտարական վիճակ՝ Մալաթիայում
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»