«Որոնելով գեղեցիկը․ Միխայիլ Վրուբել»․ առաջին անգամ ներկայացվեցին մեծ նկարչի հանրահայտ աշխատանքները
Երևանում «Դոմ Մոսկվի» մոսկովյան մշակութագործարարական կենտրոնի աջակցությամբ Ռուսական արվեստի թանգարանում տեղի ունեցավ «Որոնելով գեղեցիկը․ Միխայիլ Վրուբել» ցուցահանդեսի բացումը։ Ցուցահանդեսը նվիրվում է ռուս մեծ նկարիչ Մ. Վրուբելի 165-ամյակին։ Աշխատանքները Մ. Վրուբելին ներկայացնում են՝ որպես գեղանկարիչ, բեմանկարիչ, գծանկարիչ և քանդակագործ։
Ռուսական արվեստի թանգարանը ցուցահանդեսը կազմակերպել է Երևանում «Դոմ Մոսկվի» կենտրոնի, Հայաստանի ազգային պատկերասրահի, ՀՀ Գիտությունների ազգային ակադեմիայի հիմնարար գիտական գրադարանի հետ համատեղ։
«Ուրախ ենք, որ հայ արվեստասերները կարող են ծանոթանալ ռուս մեծ նկարչի ստեղծագործությունների հետ, շփվել ռուսական արվեստի և մշակույթի հետ։ Միխայիլ Վրուբելի աշխատանքները առանձնանում են 19-20-րդ դարերի ռուսական կերպարվեստի պատմության մեջ։ «Դոմ Մոսկվի» կենտրոնը հնարավորություն է ստեղծում մշակութային երկխոսության համար, Հայաստանի տարբեր մարզերում բացելով ռուսական կենտրոններ, ներկայացնելով արվեստն ու մշակույթը», - նշեց Երևանում «Դոմ Մոսկվի» ՄՄԳԿ-ի գլխավոր տնօրեն Վահրամ Կարապետյանը։
Հայաստանում առաջին անգամ մեկ հարկի տակ ներկայացվեցին հեղինակի բոլոր աշխատանքները։ Ցուցահանդեսին ներկայացված ստեղծագործությունները Հայաստանի ազգային պատկերասրահի, Ռուսական արվեստի թանգարանի ֆոնդերից են։ Մ․ Վրուբելը ստեղծել է ոչ միայն բազմաթիվ գեղանկարչական գլուխգործոցներ, այլև իր հետքն է թողել այլ ժանրերում ՝ զբաղվել է քանդակագործությամբ, փորագրությամբ։
«Այս ցուցադրությամբ ներկայացվում է մեծ ստեղծագործողի ամբողջական հավաքածուն, հնարավորություն է ստեղծվել արվեստասերների համար հաղորդակից լինել Մ․ Վրուբելի գեղեցիկ աշխահին ու հաղորդակից լինել ռուսական մշակույթին», - նշեց «Ռուսական արվեստի թանգարանի» գլխավոր ֆոնդապահ, ցուցահանդեսի համակարգող Վերա Կալչուրինան։
Առաջին անգամ ցուցադրվեց նաև Մ. Լերմոնտովի մահվան 50-րդ տարելիցին հրատարակված «Երկերի ժողովածուն», որի համար նկարազարդումներ է կատարել Վրուբելը, Այվազովսկին և ռուս լավագույն նկարիչներ Սուրիկովը, Շիշկինը, Ռեպինը, Վասնեցով եղբայրները, Պոլենովը և այլոք։ Ցուցահանդեսը բաց է լինելու մինչև օգոստոսի 20-ը։
Գարշահոտ ու հակասանիտարական վիճակ՝ Մալաթիայում
Երբ ակնկալիքների ու իրականության միջև խոր անդունդ է. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին