Մի շարք ցածրադիր շրջաններում սպասվում է բարձր կարգի հրդեհավտանգ իրավիճակ

Արարատյան դաշտում և դրա նախալեռներում, Վայոց Ձորի նախալեռներում, Սյունիքի հովտային գոտում և Երևանում հուլիսի 11-16-ն սպասվում է բարձր կարգի հրդեհավտանգ իրավիճակ:

Հայաստանի տարածքում հուլիսի 11-16-ը՝ հիմնականում կեսօրից հետո և գիշերը, առանձին շրջաններում սպասվում է անձրև և ամպրոպ, առանձին հատվածներում նաև կարկուտ։

Քամին կլինի հյուսիս-արևմտյան՝ 5-10 մ/վ արագությամբ, ամպրոպի ժամանակ սպասվում է քամու ուժգնացում՝ մինչև 20-25 մ/վ։

Օդի ջերմաստիճանը հուլիսի 11-12-ի ցերեկն աստիճանաբար կբարձրանա 3-5 աստիճանով։

Երևան քաղաքում հուլիսի 11-ի ցերեկը, 12-ին սպասվում է առանց տեղումների եղանակ:

Հուլիսի 13-14-ի երեկոյան ժամերին, 15-16-ի ցերեկը սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ մինչև 15-20 մ/վ:

ավելին