72 ժամ ենք տալիս, եթե իմ ամուսնուն ազատ չարձակեն՝ վաղը կաթվածահար ենք անելու Գորիս-Կապան ճանապարհը. Ալիսա Զաքարյան
ArmDaily.am
Հիշեցնենք, որ գյուղապետին կալանավորել էին ընտրողներին կաշառք տալու կասկածանքով։
Փաստաբանը մեզ հետ զրույցում տեղեկացրեց, որ դատարանը պիտի հաշվի առներ Օհանջանյանի երկրորդ կարգի հաշմանդամ լինելը, ուղեկցող բազմաթիվ հիվանդություններ ունենալը, Արցախյան երեք ազատամարտերի մասնակից լինելու հանգամանքները, սակայն ի վերջո երկու մասով կալանավորելու պահանջը բավարարեց։
ArmDaily.am-ի տեղեկություններով Որոտանի ամբողջ բնակչությունը ծայրաստիճան դժգոհ է դատարանի որոշումից և ոտքի է կանգնելու ու պահանջելու է անհապաղ ազատ արձակել իրենց գյուղապետին։
«Եթե այսօր իմ ամուսնուն ազատ չարձակեն՝ մենք ճանապարհը փակելու ենք։ 72 ժամը եթե լրացավ, իմ ամուսինը անմեղ է, եթե իրեն ազատ չարձակեն՝ մենք ճանապարհը փակելու ենք՝ կաթվածահար ենք անելու Գորիս-Կապան ճանապարհը։ Եթե իրենք անմեղ մարդու են բռնում՝ մենք էլ այսպես ենք անելու։ Ինչ-որ հիվանդ կնոջ ցուցմունքի հիման վրա են ամուսնուս ձերբակալել, որ ինքն էլ չի հասկանում, թե ինչ է ասում։ Ամուսինն ու որդին էլ հոգեկան խախտում ունեն, ինքն էլ գրեթե իրենց նման է, այդ կնոջ գրածը հիմք ընդունելով ամուսնուս ձերբակալել են»,- ասաց Ալիսա Զաքարյան։
Որոտան բնակավայրի ղեկավարի որդին՝ Դավիթ Օահնաջանյանը մեզ հետ զրույցում նշեց, որ իր հայրը վատառողջ է, ունի ուղեկցող հիվանդություններ և նրան արգելված է խոնավ տեղերում մնալ ու խնամքի կարիք ունի։
«Մեր համագյուղացիներին կանչում են հարցաքննության ու փորձում են իրավաբանությունից բան չհասկացող մարդկանց այնպես անել, որ ասեն, թե սոցիալական աջակցությունը որպես կաշառք են ստացել։ Եթե մենք մարդկանց համոզեինք «Հայաստան» դաշինքի օգտին քվեարկել, ապա մայրս, տատիկս, մորաքույրս գոնե կգնային ընտրությունների, այնինչ նրանք ընտրությունների չեն գնացել և հորս փաստաբանն այսօր դատարանում դա թղթով ապացուցել է։ Եթե մենք մարդկանց համոզել ենք, որ ընտրեն «Հայաստան» դաշինքը՝ առաջինը մեր ընտանիքի բոլոր անդամները պիտի գնային ընտրության»,-ասաց Դավիթ Օհանջանյանը։
Գյուղապետի որդին ևս հավաստեց, որ խուզարկության ժամանակ հայտնաբերված զենքերը օրինական կարգով ՊՆ-ից տրամադրված զենքերն են, զենքի մի մասը պատկանում է ԵԿՄ-ին, մնացած զենքերն էլ համայնքապետարանից։
«Անձամբ մեր մարզպետը ՝ Մելիքսեթ Պողոսյանը ասել է, ով այս զենքերը դեռ թող մնան ձեզ մոտ, երբ որ հավաքելու լինի՝ ես կասեմ՝ կհավաքեք Զենքը նկարել, գցել են սայթերը՝ մարդիկ կարծում են, թե մենք տեռորիստ ենք, այնինչ այդ զենքերով են կռվել հայրս ԵԿՄ-ի ջոկատով, ընդ որում ջոկատի հրամանատարն էլ հենց Մելիքսեթ Պողոսյանն է եղել Ջաբրաիլում։Հայրս նույնիսկ Արիության մեդալ ունի,ինքը ուրախացել է այդ մեդալով, բայց այսօր ոչ մի տեղ հաշվի չեն առնում, դա՞ էր այդ մեդալի արժեքը»,- ասաց Օհանջանյան Դավիթը։
Հայկա Ալոյան
Գարշահոտ ու հակասանիտարական վիճակ՝ Մալաթիայում
Երբ ակնկալիքների ու իրականության միջև խոր անդունդ է. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին