ԳՇ պետի անգործության հետեւանքները. բանակում հերթական նվաստացումն ու սպանությունը
Այն, որ Գլխավոր շտաբի պետ Արտակ Դավթյանի ղեկավարման օրոք բանակում բեսպրեդել է տիրում, եւ ԳՇ պետը տեղյակ չէ տիրող իրավիճակին, գաղտնիք չէ ոչ ոքի: Խոսենք փաստերով: Այս տարվա օոգոստոսի 19-ին Սյունիքի զորամասերից մեկում երեք ժամկետային զինծառայող էր սպանվել:
ArmLur.am-ին հասած լուրերի համաձայն, երեք զինվորների սպանության կասկածանքով ձերբկալվել էին ժամկետային զինծառայող Ա.Հ-ն, նախնական տեղեկություններով, ենթադրյալ սպանություն կատարող զինվորը իրավապահներին հայտնել էր, որ զորամասում մի զինվորի գումար է պարտք եղել, ինչի համար իր ինքնասիրությունը ոտնահարել են: Ըստ զինվորի՝ այդ պարտքի ու ինքնասիրությանը կպնելու դեպքից տեղյակ են եղել դոմիկում գտնվող երեք ժամկետային զինծառայողները: Արդյունքում օգոստոսի 19-ի գիշերը ինքը գնացել է դոմիկ, որ սպանի անձամբ այն զինվորին, որին պարտք է եղել ու իր ինքնասիրությանը կպել է, սակայն նա այնտեղ չի եղել ու սպանել է այդ երեք զինվորներին ու դուրս եկել դոմիկից ասելով, թե դիվերսիա է եղել:
Տպավորությունն այնպիսին էր, որ այս դեպքից հետո ԳՇ –ն պետք է սթափվի եւ զորամասերում խիստ հսկողություն սահմանի նմանօրինակ դեպքերը բացառելու համար: Այսինքն դիրքի ավագները պետք է զինվորների միջեւ առաջացած տարաձայնությունների մասին տեղյակ պահեն իրենց վերադասներին եւ կոնկրետ քայլեր ձեռնարկեն հնարավոր ողբերգական դեպքերը բացառելու համար, սակայն իրավիճակն այլ է:
Եվ ահա ամիսներ անց՝ նոյեմբերի 21-ին, հերթական սպանությունն է կատարվում: Նախ ամենասկզբից. օգոստոսի 21-ին ՊՆ-ն պաշտոնապես հայտնեց է, որ Զենքի օգտագործման կանոնների խախտման հետևանքով Գեղարքունիքի մարզի զորամասերից մեկում պայմանագրային զինծառայող է մահացել: «Պայմանագրային զինծառայող, շարքային Գևորգ Խաչատուրի Ավետյանը (ծնվ. 1992թ.) նախնական տվյալով` զենքի օգտագործման կանոնների խախտման հետևանքով նոյեմբերի 15-ին որովայնի շրջանում վիրավորում է ստացել, տեղափոխվել է հիվանդանոց, մեկ օր անց` նոյեմբերի 16-ին, արձանագրվել է մահը»:
Սակայն պարզվում է, որ պայմանագրային զինծառայողը զենքի օգտագործման կանոնների խախտման հետևանքով չի մահացել, այլ նրան պարբերաբար նվաստացրել են, ծեծել եւ վերջում սպանել, որից հետո ասել են, թե նա մահացել է զենքի օգտագործման կանոնների խախտման հետևանքով: Այս դեպքով ՀՀ զինվորական քննչական վարչությունը կալանավորել է երկու անձի եւ առաջիկայում կալանավորումները կշարունակվեն:
Այս իրավիճակը ցույց է տալիս մեկ բան՝ Գլխավոր շտաբում տեղյակ չեն, թե ինչ է կատարվում զորամասերում եւ այս իրավիճակի միակ պատասխանատուն գլխավոր շտաբի պետ Արտակ Դավթյանն է, որի կամ անգործության կամ թույլ ղեկավար լինելու արդյունքում, ով ինչ ուզում անում է:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
«Հինգ շանտաժ-նախապայմանից երեքը գրեթե կատարված են». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...